【眼冒金星的台語】

起金蒼

標籤：


 

【眼冒金星的台語 — 起金蒼】


 
manga 內面角色若跋倒，會出現逐濟星佇頭殼頂轉，這就是「眼冒金星」，台語欲按怎講咧？會使講是「起金蒼」，嘛有人講「起火金星」、「起火金蒼」。
「金蒼 kim-tshong」，一般寫做「金蔥」，就是咱定定聽著「這軀衫有金蒼」，抑是講聖誕節用个「金蒼球」。目前字典並無收「金蒼」這詞，所以阮嘛是咧思考 tshong 這字，是愛用「窗」、「蒼」抑是其他用字，但是想講「蒼」這字，有青色、殕色，嘛有成目睭起火金星，所看著爍一下、爍一下个狀態，所以先暫時用這字來表示。
但其實若用「金窗 kim-tshong」敢若嘛有道理，因為用相機翕相，若看著閃光燈，目睭就會出現閃金閃青、一个四角窗仔隨視線走，就是人講「視覺暫留」、「目影暫留」，所以逐家感覺 khí-kim-tshong 是「起金蒼」抑是「起金窗」較有通咧？
 
＝＝＝＝
 


卡通裡的角色如果跌倒，會出現很多星星在頭頂旋轉，這就是「眼冒金星」，台語要怎麼說咧？可以說是「起金蒼」，也有人講「起火金星」、「起火金蒼」。
「金蒼 kim-tshong」，一般寫做「金蔥」，就是我們常常聽到「這件衫有金蔥」，或是說聖誕節用的「金蒼球」。目前字典並無收「金蒼」這詞，所以我們也是在思考 tshong 這字，是要用「窗」、「蒼」還是其他用字，但是想到「蒼」這字，有青色、灰色，也有像眼冒金時時，所看到閃來閃去的狀態，所以先暫時用這字來表示。
但其實如果用「金窗 kim-tshong」好像也有道理，因為用相機拍照，如果看到閃光燈，眼睛就會出現閃金閃青、一個四角窗隨視線跑，就是所謂的「視覺暫留」、「目影暫留」，所以大家覺得 khí-kim-tshong 是「起金蒼」還是「起金窗」比較通呢？


 

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【轉車的台語】盤車

標籤：


 

【轉車的台語 — 盤車】
 

「轉車」个台語按怎講？這馬可能有个人會直翻，但台語會講「盤車 puânn-tshia」。
「盤 puânn」本身就有「轉換 tsuán-uānn」个意思，一層過一層，所以講「盤山過嶺 puânn-suann-kuè-niá」，「盤車」本身雖然是轉車意思，但講起來嘛有一種「舟車勞頓」个感覺，因為一車閣轉過一車。「舟車勞頓」，台語會講「捙盤搖搖 tshia-puânn-iô-iô」，「車盤搖搖」、「車幫搖搖 tshia-pang-iô-iô」攏有人寫，但是「捙盤」本身有換來換去、徙來徙去个意思，分享予逐家參考看覓，另外講法閣有「走車碌路 tsáu-tshia-li̍k-lōo」抑是「跑車碌路 pháu-tshia-li̍k-lōo」。
今仔應該誠濟人盤車轉去，毋管按怎，逐家攏辛苦矣～

 
＝＝＝＝
 
「轉車」的台語怎麼說？現在可能有的人會直翻，但台語會說「盤車 puânn-tshia」。
「盤 puânn」本身就有轉換之意，一層又一層，所以說「盤山過嶺」，「盤車」本身雖然是轉車意思，但講起來也有一種「舟車勞頓」的感覺，因為轉車再轉車。「舟車勞頓」，台語會說「捙盤搖搖 tshia-puânn-iô-iô」，「車盤搖搖」、「車幫搖搖」都有人寫，但是「捙盤」本身有換來換去、移來移去的意思，分享給大家參考看看，另外說法還有「走車碌路 tsáu-tshia-li̍k-lōo」或是「跑車碌路 pháu-tshia-li̍k-lōo」。
今天應該很多人「盤車」回家，不管怎樣，大家都辛苦囉～
 

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【丟硬幣或擲銅板的台語】 撚匼笑

標籤：


【丟硬幣或擲銅板的台語 — 撚匼笑】
 

世界杯跤球開始矣！踢球進前，攏愛先「丟硬幣」來決定，這動作台語有專門講法，就是「撚匼笑 lián-khap-tshiò」。
 
「撚 lián」是用指頭仔踅物件，譬如講「曲跤撚喙鬚」；「匼 khap」是物件倒崁、匼倒爿面；「笑 tshiò」是表示物件向頂面、譬如講「囥坦笑 khǹg thán-tshiò」、「笑桮 tshiò-pue」就是兩面攏向頂面。
 
所以若是欲用擲銀角仔來決定輸贏，就會使講「撚匼笑」囉！


 
＝＝＝＝
 


世界杯足球開始囉！踢球之前，都要先「丟硬幣」來決定，這個動作台語有專門說法，就是「撚匼笑 lián-khap-tshiò」。
 
「撚 lián」是用手指轉動東西，譬如說「翹腳撚鬍鬚」；「匼 khap」是東西倒蓋、覆蓋反面；「笑 tshiò」是表示東西朝上面、譬如說「囥坦笑 khǹg thán-tshiò」、「笑桮 tshiò-pue」就是兩面都朝上面。
 
所以如果是要用丟銅板來決定輸贏，就可以說「撚匼笑」囉！
 

 

  • Digg
  • Del.icio.us
  • StumbleUpon
  • Reddit
  • RSS
Read User's Comments2

【柑橘類放太久裡面果肉乾掉的台語】脯米

標籤：

 

【柑橘類放太久裡面果肉乾掉的台語 — 脯米】
 


中秋个柚仔敢閣有賰？若是囥傷久，內底个肉會焦去、無水份，食起來就感覺𠕇𠕇、一粒一粒，有人會講水果按呢就是「乾脯去矣」、「脯去矣」，台語閣有另外一種講法，就是「脯米 póo-bí」。
譬如會講：「這粒柚仔囥傷久，內底已經脯米矣。」內底肉就親像菜脯米、菜脯仝款，焦焦無汁，這詞會使用佇柑仔、柚仔攏會使。若是像蘋果、梨仔囥傷久，就袂講「脯米」，會講「梢梢 sau-sau」，意思是食起來無夠脆、內底攏含梢去矣。
感覺「脯米」這詞，嘛會使用佇形容人个狀態，譬如講：「你最近氣色無啥好，規个人看起來敢若脯米去矣。」應該會使形容人欠「膠原蛋白」無夠膨皮个感覺哦？
 
＝＝＝＝


 
中秋的柚子還有剩嗎？如果放太久，裡面的肉會乾掉、沒水份，吃起來就感覺硬硬、一粒一粒的，有人會直接說水果這樣就是「乾脯」了、「脯去」了，台語還有另外一種說法，就是「脯米 póo-bí」。
譬如會說：「這粒柚仔囥傷久，內底已經脯米矣。」裡面的肉就像是菜脯米、菜脯一樣，乾乾無汁，這詞可以用在柑仔、柚子都可以。如果像是蘋果、梨子放太久，就不會說「脯米」，會說「梢梢 sau-sau」，意思是吃起來不夠脆。
感覺「脯米」這詞，也可以形容人的狀態，譬如說：「你最近氣色無啥好，規个人看起來敢若脯米去矣。」應該可以用在形容人缺少「膠原蛋白」臉不夠有彈性的感覺哦？
 

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【單身漢的台語】
十一哥

標籤：


 

【單身漢的台語 — 十一哥】

 
11/11有人講是「光棍日」，就是「單身漢」个日子，台語「單身漢」有誠濟講法，譬如：獨身仔（to̍k-sin-á）、羅漢跤（lô-hàn-kha）、羅漢跤仔（lô-hàn-kha-á）、十一哥（tsa̍p-it-ko）
其中和11/11小可較倚个就是「十一哥」，十一表示雙跤，意思只有家己孤一人。另外，若講著「十一號公車」抑是「搭11號去某地」意思就是靠雙跤步輦，十一攏是表示家己个意思。
其實這馬講「11/11光棍日」是對中國來个，照咱所瞭解「中國光棍節」个「1」表示孤一人，所以有四个「1」就表示足濟獨身仔。台灣毋管是華語抑是台語所表示个「11」是雙跤、孤一人，思考理路無仝，結果嘛無仝，若照這理路講起來，11/11看起來，顛倒應該是兩个人牽做伙才著呢～
😉
＝＝＝＝
 
11/11有人說是「光棍日」，就是「單身漢」的日子，台語「單身漢」有很多說法，譬如：獨身仔（to̍k-sin-á）、羅漢跤（lô-hàn-kha）、羅漢跤仔（lô-hàn-kha-á）、十一哥（tsa̍p-it-ko）
其中和11/11稍微比較接近的就是「十一哥」，十一表示雙腳，意思只有自己孤單一人。另外，如果說到「十一號公車」還是「搭11號去某地」意思就是靠雙腳徒步，十一都是表示只有自己。
其實現在說「11/11光棍日」是從中國來的，如果依我們所瞭解中國光棍節的「1」是表示一個人，所以有四個「1」就表示有很多單身的人。台灣不管是華語還是台語所表示的「11」是雙跤、自己一個人，思考邏輯不一樣，結果也會不一樣，如果照這邏輯講起來，11/11看起來，反而應該是兩個人牽手在一起才對呢～🤔

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【台展三少年】陳進

 

【台展三少年 — 陳進】

今仔透早看google首頁，發現頂頭圖面改一幅圖，原來今仔日是陳進先輩个「冥誕」，「冥誕」台語號做「愍忌 bián-kī」嘛有人講「生日忌」。
想著進前畫過這幅圖，分享予逐家。

＝＝＝＝＝

今天早上看到google首頁，發現上面改了一張圖，原來今天是陳進先輩的「冥誕」，「冥誕」台語叫做「愍忌 bián-kī」也有人講「生日忌」。
想到之前畫過這幅圖，分享給各位。

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【人山人海、人潮擠得水瀉不通的台語】洘秫秫

標籤：


 

【人山人海、人潮擠得水瀉不通的台語 — 洘秫秫】
 
台南這个拜六禮拜足鬧熱，除了有萬神節、嘛有佇美術館个森山市集，閣有其他大大細細活動，市區講是「人山人海」真正有影。
「人山人海」、「人潮擠得水瀉不通」，台語會用「洘秫秫 khó-tsu̍t-tsu̍t」來形容。
譬如講：「頭前有辦活動，規條路洘秫秫。」洘，譬如講糜煮了傷洘、洘頭糜；秫，譬如講著秫米糊，以上原底攏是形容黏黐黐、𣻸𣻸个情形，後來才用來形容人濟甲無好行个情形。
其他講法閣有「挨挨陣陣 e-e-tīn-tīn」、「挨挨𤲍𤲍 e-e-kheh-kheh」、「相挨相𤲍 sio-e-sio-kheh」，分享予逐家～
🤓
＝＝＝＝


 
台南這週末很熱鬧，除了有萬神節、也有在美術館的森山市集，還有其他大大小小活動，市區真的是人山人海。
「人山人海」、「人潮擠得水瀉不通」，台語會用「洘秫秫 khó-tsu̍t-tsu̍t」來形容。
譬如講：「頭前有辦活動，規條路洘秫秫。」洘，譬如講稀飯煮了太「洘」、「洘頭糜」；秫，譬如說到秫米糊，以上原本都是形容很黏、黏滑的情形，後來才用來形容人多到不好走的情形。
其他講法還有「挨挨陣陣 e-e-tīn-tīn」、「挨挨𤲍𤲍 e-e-kheh-kheh」、「相挨相𤲍 sio-e-sio-kheh」，分享給各位～🥳

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【鬱鬱不得志的台語】凝心餒志

標籤：


 

【鬱鬱不得志的台語 — 凝心餒志】
 
台語講著「鬱悶」有真濟个形容，其中一个詞真簡單媠氣，就是「凝 gîng」。譬如講：「這件代誌真正是足無公平，實在愈想愈凝。」
愈想愈凝，就是心肝頭鬱卒，敢若有氣翕佇胸坎、喘袂過來，嘛會用「凝心 gîng-sim」來形容。
按呢講起來，「鬱鬱不得志」欲按怎講？聽人講過有落魄、狼狽、失意、失志...
但阮感覺應該嘛會使講是「凝心餒志 gîng-sim lué-tsì」，「餒志」就是「氣餒」个意思，兩个詞鬥起來，閣誠合呢～
🥸
＝＝＝＝
 
台語說到「鬱悶」有很多形容，其中一個詞很簡單有力，就是「凝 gîng」。譬如說：「這件代誌真正是足無公平，實在愈想愈凝。」
愈想愈凝，就是心情鬱悶，很有氣悶在胸口、喘不過來，也會用「凝心 gîng-sim」來形容。
這樣說起來，「鬱鬱不得志」要怎麼說？聽人說過有落魄、狼狽、失意、失志...
但我們覺得應該也能說是「凝心餒志 gîng-sim lué-tsì」，「餒志」就是「氣餒」的意思，兩個詞合起來，還真合呢～😄

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【悠悠哉哉的台語】涼勢涼勢

標籤：


 

【悠悠哉哉的台語 — 涼勢涼勢】
 
「悠悠哉哉」台語按怎講？會使講是「涼勢涼勢 liâng-sè liâng-sè」喔！
 
涼勢，意思就是輕鬆自在，譬如講：「仝一件代誌，別人做甲歪腰，伊做起來涼勢涼勢。」嘛有人會講「涼勢仔 涼勢」，譬如講：「伊規工涼勢仔涼勢做海岸散仙，實在逍遙。」台語嘛會講：「伊食這頭路，足涼的。」
 
頂禮拜經過公園看著兩隻烏龜相疊咧曝日，等代誌處理煞閣經過，曝日烏龜頂懸竟然加疊一隻，三隻烏龜穩穩穩相疊，完全袂「重敧爿 tāng-khi-pîng」。
 
無論是平衡感、嘛是予人感覺輕鬆自在，真正是涼勢涼勢～ 😌 
 
＝＝＝＝
 
「悠悠哉哉」台語怎麼說？可以說是「涼勢涼勢 liâng-sè liâng-sè」喔！
 
涼勢，意思就是輕鬆自在，譬如講：「仝一件代誌，別人做甲歪腰，伊做起來涼勢涼勢。」也有人會講「涼勢仔 涼勢」，譬如講：「伊規工涼勢仔涼勢做海岸散仙，實在逍遙。」台語也會說：「伊食這頭路，足涼的。」
 
上禮拜經過公園看到兩隻烏龜相疊在曬太陽，等事情處理完再經過，曬太陽的烏龜上面竟然又再多了一隻，三隻烏龜穩穩穩相疊，完全不會「重敧爿 tāng-khi-pîng」。
 
無論是平衡感、也是給人感覺輕鬆自在，真的是涼勢涼勢～ 😌
 
註：
重敧爿 tāng-khi-pîng：不平衡、輕重不一。

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【逆光的台語】對頭光

標籤：


 

【逆光的台語 — 對頭光】
 
逆光，台語會講「對頭光」，嘛有人講「搢光 tsìnn-kng」。
對頭光真好理解，就是光線正正正對頭前照過來，所以「逆光」就會用「對頭光」來表示，「逆風」就會講「對頭風」。另外人講「搢光」个「搢」有「逆行」个意思，所以除了「搢光」，「逆風」嘛會使講「搢風 tsìnn-hong」。
本回分享个台語詞，佇《聯合文學》9月份嘛有另外刊出，有興趣會使參考看覓～
🤓
＝＝＝＝
 
逆光，台語會說「對頭光」，也有人講「搢光 tsìnn-kng」。
對頭光很好理解，就是光線從正前方照過來，所以「逆光」就會用「對頭光」來表示，「逆風」就會講「對頭風」。另外人說「搢光」的「搢」有「逆行」之意，所以除了「搢光」，「逆風」也可以說「搢風 tsìnn-hong」。
本回分享的台語詞，在《聯合文學》9月份也有另外刊出，有興趣可以參考看看～ 🤓

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【渴望的台語】 煞心

標籤：

 


【渴望的台語 — 煞心】
 
足數想某事某代誌、抑是人，華語講「渴望」，台語會使講「煞心」。
一般上捷聽著是「煞著你」，譬如講「隔壁班某乜人煞著你矣」，若煞心會使按呢用「看著辣手，伊就煞心」、「踅街看著媠衫，我就煞心」。
「煞心，雄雄熨著我个心」... 應該嘛會使用來表示「驚鴻一瞥」个感受喔！
🥸
＝＝＝＝
 
妄想某事某物、或是人，華語說「渴望」，台語可以說「煞心」。
一般最常聽到的是「煞著你」，譬如說「隔壁班某乜人煞著你矣」，如果是煞心可以這樣用「看著辣手，伊就煞心」、「踅街看著媠衫，我就煞心」。
「煞心，瞬間燙到我的心」... 應該也可以用來表示「驚鴻一瞥」的感受喔！
🥸
推薦背景音樂：魏買加/喬智【檳榔攤之戀】feat.美秀集團
 
註：
數想（siàu-siūnn）：妄想
某乜人（móo-mí-lâng）：某某人
辣手（lá-tshiú ）：正妹

  • Digg
  • Del.icio.us
  • StumbleUpon
  • Reddit
  • RSS
Read User's Comments2

【愛你狗狗日】

 


【愛你狗狗日】
 
今仔是 Natioanl Dog Day（華譯：國際狗狗日），台語應該會使講是「愛你狗狗」嘛是「愛你夠夠」🥰

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【雨刷的台語】uáinn bah

標籤：


 【雨刷的台語 — uáinn bah】

「雨刷」个台語，除了講「雨撇仔」、「雨捽仔」，嘛有人會講 uáinn bah，uáinn bah是源自於日語ワイパー，拄好講起來和「我个肉」欲仝欲仝。
最近想著uáinn bah這詞，家己發明一句激骨話，除了紀錄嘛分享予逐家：

好个、歹去个雨撇仔收做伙 — 好歹攏都是「我个肉」。

好歹攏都是我个肉：手心手背都是肉。

＝＝＝＝

「雨刷」的台語，除了講「雨撇仔」、「雨捽仔」，也有人會講 uáinn bah，uáinn bah是源自於日語ワイパー，正好說起來和「我的肉」音有點像。
最近想到uáinn bah這詞，自己發明一句歇後語，除了紀錄也分享給大家：

好个、歹去个雨撇仔收做伙 — 好歹攏都是「我个肉」。
（好的壞的雨刷都收一起 — 好壞都是我的肉）

好歹攏都是我个肉：手心手背都是肉。

發音參考：https://soundcloud.com/user-566276953/uainn-bah

  • Digg
  • Del.icio.us
  • StumbleUpon
  • Reddit
  • RSS
Read User's Comments1

mǹg-sǹg

標籤：

 


【mǹg-sǹg】
 
最近台南美術館展覽「亞洲的地獄與幽魂」，予見面話題對「食飽袂」變成「你敢知影殭屍展覽？」
台語講著「殭屍」，是khiong-si，佇阮个冊《台語原來是這樣2》內底有一篇mǹg-sǹg，就有小可講著有關以早台南殭屍都市傳說。
其實除了殭屍都市傳說，台灣較捷提起个是魔神仔，另外閣有一種就是mǹg-sǹg，佇南部老一輩會講mǹg-sǹg、mǹg-sǹg--ê，意思和魔神仔差不多閣小可無仝，mǹg-sǹg主要是會形容山中精怪，以前細漢若是去較偏僻个所在耍，轉來暗時睏無好勢、抑是有俗稱「鬼硩身」情形出現，老一輩就會講：「暗時毋通拋拋走、拄著mǹg-sǹg家己毋知。」其實有時陣只是欲提醒序細，較早轉來爾爾。
「鬼硩身」，嘛會講「七跤蟧蜈翕著八卦」，「八卦」就是咱个胸坎，嘛叫「頂腹蓋」，音和「頂八卦」欲仝。以前囡仔若「臭喙角」，序大就會講是「七跤蟧蜈偷放尿」放佇喙角邊，所以嘛講「臭喙邊」。這款七跤蟧蜈个第七跤，通常會生佇尻川位置，嘛有人講這款七跤蟧蜈是「魔神仔」个化身之一。
總是，講著足濟種以早民間傳說，這攏是咱文化其中一部份，若是用文化角度來理解，嘛是真趣味敢毋是？
 
＝＝＝＝
 
最近台南美術館展覽「亞洲的地獄與幽魂」，讓見面話題從「食飽袂」變成「你敢知影殭屍展覽？」
台語說到「殭屍」，是khiong-si，在我們的《台語原來是這樣2》裡面有一篇mǹg-sǹg，就有稍微提到有關以前台南殭屍都市傳說。
其實除了殭屍都市傳說，台灣比較常提及的是魔神仔，另外還有一種就是mǹg-sǹg，在南部老一輩會講mǹg-sǹg、mǹg-sǹg--ê，意思和魔神仔差不多但又有點不同，mǹg-sǹg主要是會形容山中精怪，小時候若是去比較偏僻的地方玩，回來晚上睡不好、或是有俗稱鬼硩身（鬼壓床）情形出現，老一輩就會說：「晚上不要拋拋走、遇到mǹg-sǹg自己都不曉得。」其實有時候只是想要提醒小孩，早點回家而已。
「鬼硩身」，也會說「七跤蟧蜈翕著八卦」，「八卦」就是我們的胸部，也稱「頂腹蓋」，音和「頂八卦」很像。小時候如果「臭喙角」，長輩就會說是「七跤蟧蜈偷放尿」（七腳喇牙偷尿尿）尿在嘴腳，所以也會說「臭喙邊」。這種七腳喇牙的第七隻腳，通常會長在屁股的位置，也有人說這種七腳喇牙是「魔神仔」的化身之一。
總之，講到很多種以前的民間傳說，這都是我們文化的其中一部份，若是用文化角度來理解，也是很有趣不是嗎？
🤓《台語原來是這樣2》🤓
▌紙本書
​​​​　
聚　珍（露天）：https://reurl.cc/YO4o6L
​​​​　
▌電子書
​​​​　

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【帕後斗】偷襲的說法

標籤：


 【帕後斗 — 偷襲的說法】

「偷襲」个講法，台語講法有：帕後斗（phè āu-táu）、捽後炮（sut āu-phàu）。
以前細漢時，較捷聽著是「帕後斗」，「帕」意思是對後壁共人包圍，「後斗」是車後壁載貨个所在，來形容後壁面，若欲對後壁共人包圍時，嘛會講：「來共帕伊後斗。」抑是：「愛細膩，莫予人帕後斗去矣。」
若是講著「捽後炮」，嘛真有畫面，就是對人後壁面擲炮仔，百分之百是「偷襲」。另外，有「偷襲」嘛有「掩護」，「掩護」个講法除了 iám-hōo 之外，嘛有人講 kaba ，是對日語來个。
以上分享，請逐家參考看覓～ 🤓

＝＝＝＝

「偷襲」的講法，台語說法有：帕後斗（phè āu-táu）、捽後炮（sut āu-phàu）。
小時候，比較常聽到的是「帕後斗」，「帕」意思是從後面包圍人，「後斗」是車後方載貨之所在，用來形容方位置，如果要從後面包圍人時，也會說：「來共帕伊後斗。」或是是：「愛細膩，莫予人帕後斗去矣。」
如果說到「捽後炮」，也很有畫面，就是從人後方丟炮藥，百分之百是「偷襲」。另外，有「偷襲」也有「掩護」，「掩護」的說法除了 iám-hōo 之外，也有人說 kaba ，源自於日語。
以上分享，請大家參考看看～ 🤓

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【 520 】有關著戀愛

標籤：


 

【 520 — 有關著戀愛 】
 
欲按怎知影家己戀愛矣？
心，會予你講个話，叮甲紅記記(âng-kì-kì)
心，會受你个眼神，電甲紅絳絳(âng-kòng-kòng)
心，會因為佇你身邊，就反譁到紅冇冇(âng-phànn-phànn)
佇 520 這工，祝福逐家佇每一工，攏會使發現予家己染到紅朱朱（âng-tsu-tsu）个幸福。
😘
 
註：
反譁（huán-huā）：悸動、騷動

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【聚寶盆的台語 】水車

標籤：

 


【聚寶盆的台語 — 水車】
 
「聚寶盆」个台語按怎講？直接用台語講 tsū pó phûn 當然會使，今仔想欲分享其他講法，有「水車」（tsuí-tshia）閣有「抔丟仔」（put tiu-á）。
前一站，拄好聽咧賣「聚寶盆」个頭家講著，原來這種物件，會用「水車」來稱呼，因為有一款聚寶盆造型會設計水車，內底有錢水咧走，才會用水車來稱呼。
另外一種講法是「抔丟仔」，有人講「丟仔」是錢个意思，嘛是形容錢水个水聲，「抔」是將物件集合起來，所以才會講是「抔丟仔」。嘛有另外一種解釋是「抔稻仔」（put tiū-á），食會飽上要緊，聚寶盆若貯飽，咱人嘛食會飽。
最後和逐家分享一條和招財足合个歌，阮家己嘛足愛— 濁水溪公社〈財神到咱厝內〉，有機會會使去揣來聽看覓～ ✨✨✨✨✨✨
✨
＝＝＝＝
 
「聚寶盆」的台語怎麼說？直接用台語講 tsū pó phûn 當然可以，今天想要分享其他說法，有「水車」（tsuí-tshia）還有「抔丟仔」（put tiu-á）。
前陣子，剛好聽賣「聚寶盆」的老闆說到，原來這種東西，會用「水車」來稱呼，因為有一款聚寶盆造型會設計水車，象徵財源滾滾，才會用水車來稱呼。
另外一種說法是「抔丟仔」，有人說「丟仔」是錢的意思，也是形容錢水的水聲，「抔」是將東西集合起來，所以才會說是「抔丟仔」。也有另外一種解釋是「抔稻仔」（put tiū-á），吃飽是最重要的，聚寶盆如果飽滿，我們也能吃飽。
最後和大家分享一首和招財很合的歌，我們也很喜歡— 濁水溪公社〈財神到咱厝內〉，有機會可以去找來聽看看喔～

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【類火車 的台語】火車舅

標籤：

 

 

【類火車 的台語 — 火車舅】

最近有一个詞「類火車」，台語欲按怎講？
當然嘛會使直接讀「類火車」，但若是閣較倚台語思考，「火車舅」嘛誠趣味～
這个詞是王昭華老師提出个，阮嘛感覺誠趣味、誠有道理，因為台語號名原則，若和某一種物件誠成，就會佇名詞後壁加一字「舅」，譬喻講「蜈蚣舅」（giâ-kang-kū）就是「馬陸」，所以若照這理路，欲仝欲仝个物件，就是「﹏﹏ 舅」囉！😌

＝＝＝＝

最近有一個詞「類火車」，台語要怎麼說？
當然也可以直接講「類火車」，但若是要更接近台語思考，「火車舅」也很有趣～
這個詞是王昭華老師提出的，我們也覺得很趣味、很有道理，因為台語命名的原則，如果和某一種物件很像，就會在名詞後面加個字「舅」，譬如說「蜈蚣舅」（giâ-kang-kū）就是「馬陸」，所以若照這邏輯，很接近的東西，就是「﹏﹏ 舅」囉！😆

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【衣服變硬的台語】必紗

標籤：

 


 
【衣服變硬的台語 — 必紗】
 
逐家敢有衫洗歹去、抑是囥久變硬个經驗？原來這款情形，台語有專門講法 — 必紗（pit-se）
一般攏有聽過必叉（pit-tshe），必叉就是「分叉」，若是「必紗」是衫變質、硬化。譬如講：「膨紗衫洗甲攏必紗、歹去矣，親像菜瓜摖咧！」
 
凡勢會使按呢想，將衫放大閣放大、看著紗仔攏必去矣，所以才會講必紗哦？
🤔
＝＝＝＝
 
大家是否有衣服洗壞掉、或是放久變硬的經驗呢？原來這種情形，台語有專門說法 — 必紗（pit-se）
一般都有聽過必叉（pit-tshe），必叉就是「分叉」，如果是「必紗」是衣服變質、硬化。譬如說：「毛衣洗到都『必紗』、壞掉了，好像菜瓜布咧！」
或許可以這樣想，將衣服放大再放大、看到絲布都變質裂化了，所以才會說必紗哦？🤗
發音參考：

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【不知天高地厚的台語】摸天凊凊

標籤：

 

【不知天高地厚的台語 — 摸天凊凊】

「不知天高地厚」，毋知天地幾斤重，台語另外閣有一个講法，就是「摸天凊凊」。
通常會講：「毋通按呢suâinn-suâinn、毋知天地幾斤重，摸天凊凊。」suâinn-suâinn就是「吊兒啷噹」，和「摸天凊凊」鬥做伙，形容做代誌無站無節个態度。
但其實這个時代，換一个角度思考，凡勢做代誌嘛愛淡薄仔有這款「摸天凊凊」个戇膽拍拚，才有法度成功哦？

＝＝＝＝

「不知天高地厚」，不知道天地幾斤重，台語另外還有一種說法，就是「摸天凊凊」。
通常會講：「毋通按呢suâinn-suâinn、毋知天地幾斤重，摸天凊凊。」suâinn-suâinn就是「吊兒啷噹」，和「摸天凊凊」湊在一起，形容做事情沒分寸的態度。
但其實在這時代，換一個角度思考，或許做事情也要有點這種「摸天凊凊」的傻勁打拼，才有辦法成功哦？

 

參考發音：
https://soundcloud.com/user-566276953/hshdwlcnanf8 

  • Digg
  • Del.icio.us
  • StumbleUpon
  • Reddit
  • RSS
Read User's Comments0

【零用錢个台語】所費

標籤：


 

【零用錢个台語 — 所費】
 
「零用錢」个台語按怎講？
「零用錢」个台語，毋是「零星錢」喔！零星錢（lân-san-tsînn）是「零錢」个意思。「零用錢」，會使講是「所費」、「冗剩錢」。
所費（sóo-huì），一般會用佇生活費、日常中大大細細開銷。冗剩錢（liōng-siōng-tsînn）是有tióng出來个錢，兩種意思攏會使用來形容「零用錢」。
譬如按呢用：「這一千箍予你做這個月个所費。」、「這加出來个冗剩錢提去買寡物件。」
以上分享予逐家～
🧐
 
＝＝＝＝
 
「零用錢」的台語怎麼說？
「零用錢」的台語，不是「零星錢」喔！零星錢（lân-san-tsînn）是「零錢」的意思。「零用錢」，可以說是「所費」、「冗剩錢」。
所費（sóo-huì），一般會用在生活費、日常中大大小小開銷。冗剩錢（liōng-siōng-tsînn）是有多出來的錢，兩種意思都可以用來形容「零用錢」。
譬如這樣用：「這一千箍予你做這個月个所費。」、「這加出來个冗剩錢提去買寡物件。」
以上分享給各位～
 

  • Digg
  • Del.icio.us
  • StumbleUpon
  • Reddit
  • RSS
Read User's Comments0
訂閱： 文章 (Atom)