【猛醒】 欲形容人動作足「靈敏」,除了扭掠(liú-lia̍h),閣有啥物款講法呢?就是「猛醒」(mé-tshénn)。 「猛」就是動作足緊,譬如一个人做代誌足有效率,足緊就將代誌辦好勢矣,就會講「做代誌跤手足猛」。若講著「猛醒」,較會用佇動作,譬如講:「看伊跤手足猛醒,就知影伊運動神經有夠好。」 厝內个狗仔家人溜逗,有時陣睏到一半,若外口有聲,就會雄雄醒起來衝出去房間,這應該就是標準个「猛醒」啦~ 😆 ====

要形容人動作很「靈敏」,除了扭掠(liú-lia̍h),還有什麼說法呢?就是「猛醒」(mé-tshénn)。 「猛」就是動作很快,譬如一個人做事情很有效率,很快就將事情處理好了,就會說「做代誌跤手足猛」。如果說到「猛醒」,比較會用在動作,譬如說:「看伊跤手足猛醒,就知影伊運動神經有夠好。」 家裡的狗狗家人溜逗,有時候睡到一半,如果外面有聲音,就會突然醒過來衝出去房間,這應該就是標準的「猛醒」啦~ 😌

發音參考:https://soundcloud.com/user-566276953/nxncixna4tpb

  • Digg
  • Del.icio.us
  • StumbleUpon
  • Reddit
  • RSS



【歹運著龍眼】 以前聽過「衰甲若梨仔」,嘛有一句話是「歹運著龍眼」,奇怪?運氣好歹,竟然和水果有關係? 後來才知,這句「歹運著龍眼」,完整一句話是「好運著時鐘,歹運著龍眼」,因為以前農業社會抽獎,上大獎是時鐘,「龍眼」路邊龍眼樹就看會著矣,意思就是抽獎是氣運氣運。 閣有一句話講「揀來揀去,揀著賣龍眼个」,會感覺講,龍眼敢真正遐衰?其實,這句話「賣龍眼」是台語「袂用揀」(bē-īng-kíng)袂用得揀个意思,仝音趣味才會講是「賣龍眼」啦~🧐 ====

以前聽過「衰甲若梨仔」,也有一句話是「歹運著龍眼」,奇怪?運氣好壞,竟然和水果有關係? 後來才知,這句「歹運著龍眼」,完整一句話是「好運著時鐘,歹運著龍眼」,因為以前農業社會抽獎,上大獎是時鐘,「龍眼」路邊龍眼樹隨處可見,意思就是抽獎是各憑運氣。 還有一句話說「揀來揀去,揀著賣龍眼个」,會覺得說,龍眼真的有這麼衰嗎?其實,這句話「賣龍眼」是台語「袂用揀」(bē-īng-kíng)不能挑這個的意思,同音趣味才會說是「賣龍眼」啦~😶

  • Digg
  • Del.icio.us
  • StumbleUpon
  • Reddit
  • RSS

揻揻砧砧



【揻揻砧砧】 今仔欲分享兩種皮膚無爽快个感覺。 「揻揻」(ui ui),是親像用針咧𠞭、通常嘛會用來形容心情,譬如講:「你講个歹聽話,親像用針咧揻我个心。」 「砧砧」(tiam tiam)是感覺有物件㧎㧎、刺痛个感覺,譬如講鞋仔內底無細膩有細粒石頭走入去,跤底就會有「砧砧」个感覺。抑是講生目針,嘛會講目睭感覺「砧砧」無爽快。 凡勢,若兩个詞鬥起來講做「揻揻砧砧」,應該就是華語講个「椎心刺骨」,嘛誠順呢~ 逐家感覺呢?🤔 ====

今天要分享兩種皮膚不舒服的感覺。 「揻揻」,是好比用針在刮刺、通常也會用來形容心情,譬如說:「你所說的難聽話,好像用針在『揻』我的心。」 「砧砧」是感覺有東西卡卡不順、刺痛的感覺,譬如說鞋子裡不小心有小石頭跑進去,腳底就會有「砧砧」的感覺。或是說長針眼,也會說眼睛感覺「砧砧」不舒服。 或許,如果兩個詞合起來說成「揻揻砧砧」,應該就是華語說的「椎心刺骨」,也頗順的~ 大家覺得呢?😌

發音參考:https://soundcloud.com/user-566276953/lulm86gzzxzz

註:
𠞭(liô):切割、割除。
㧎(khê):卡住、不順。

  • Digg
  • Del.icio.us
  • StumbleUpon
  • Reddit
  • RSS

高麗鬚



【高麗鬚】 「腋毛」个台語按怎講? 「腋下」个台語是「胳下空」(koh-ē-khang),嘛有人講「胳耳空」(kueh-hīnn-khang)。 學生時代,同學之間攏會將「腋毛」講是「高麗鬚」(ko-lê-tshiu),除了因為外觀足成「高麗」个鬚,嘛有可能因為「胳下鬚」講起來足成个關係。 按呢,逐家較佮意佗一種講法呢?🤔

====

「腋毛」的台語怎麼說? 「腋下」的台語是「胳下空」(koh-ē-khang),也有人說「胳耳空」(kueh-hīnn-khang)。 學生時代,同學之間都會將「腋毛」說是「高麗鬚」(ko-lê-tshiu),除了因為外觀很像人參的鬚鬚,也有可能因為「胳下鬚」講起來很像的關係。 這樣,大家比較喜歡哪一種說法呢?😌 註: 高麗(ko-lê):高麗參。人參的一種。

  • Digg
  • Del.icio.us
  • StumbleUpon
  • Reddit
  • RSS

【立冬補冬補喙空】



【立冬補冬補喙空】 「補冬補喙空」就是「冬令進補」,「喙空」是「喙」,好好把握這誠好个機會,有一个好理由,會使來「拜牙槽王」~ 另外,「拜牙槽王」就是咱所講个「祭五臟廟」,通常立冬就是會使開始準備食爐,羊肉爐、薑母鴨... 攏會使開始發落排列攢出來矣!
====
「補冬補喙空」就是「冬令進補」,「喙空」是「嘴巴」,好好把握這個大好機會,有一個好理由,可以來「拜牙槽王」~ 另外,「拜牙槽王」就是所謂的「祭五臟廟」,通常立冬就是可以開始準備吃火鍋,羊肉爐、薑母鴨... 都可以開始張羅排隊準備出來囉!

  • Digg
  • Del.icio.us
  • StumbleUpon
  • Reddit
  • RSS

秋後熱

【秋後熱】 「秋老虎」台語按怎講?台語講法和華語差真濟,會講「秋後熱」。 若照字面解說,秋天个天氣煞閣燒熱起來,有影是「秋後熱」。「熱」佇遮讀音是文讀 jia̍t ,會記持細漢感冒發燒,量了體溫,序大有時會講:「有小可 熱(jia̍t)。」毋是直接講「發燒」,予我感覺著「熱」真正有腹內火當旺个感覺,記持真深。 這幅圖面有畫紅柿,彼是因為台語有一句話講:「紅柿出頭,羅漢跤目屎流。」紅柿若出,表示秋天欲到矣,古早人形容羅漢跤會因為按呢感覺著稀微畏寒,這句話嘛真趣味,分享予逐家。😄 ==== 「秋老虎」台語怎麼說?台語說法和華語差很多,會說「秋後熱」。 如果照字面解釋,秋天的天氣又突然轉熱,真的是「秋後熱」。「熱」在此讀音是文讀 jia̍t ,記得小時候感冒發燒,量完體溫,長輩有時候會說:「有一點 熱(jia̍t)。」不是直接說「發燒」,讓我覺得「熱」還真有體內火氣很盛的感覺,印象深刻。 這幅畫有畫紅柿,是因為台語有一句話說:「紅柿出頭,羅漢跤目屎流。」紅柿上市,表示秋天要來了,以前的人形容羅漢腳會因為這樣感覺到孤單寂莫,這句話也很有趣,分享給各位。😗 參考發音:https://soundcloud.com/user-566276953/gmizfmwojnph

  • Digg
  • Del.icio.us
  • StumbleUpon
  • Reddit
  • RSS



【哩鑢叫】 

有个踅舌歌手,會講家己踅舌親像機關銃仝款、速度真緊,阿若欲形容人講話速度有夠緊,欲按怎講呢?台語會講「哩鑢叫」。 譬如講:「伊講話直直哩鑢叫,聽攏聽無。」抑是聽著較無熟个語言,嘛會有一種速度真緊、親像「哩鑢叫」个感覺,譬如講:「伊个英語足𠢕,講甲哩鑢叫按呢。」
另外一般較捷聽著个「踅踅唸」小可無仝,「踅踅唸」有可能是一直餾仝款个內容,「哩鑢叫」就是單純速度个感覺。 ====


有的饒舌歌手,會說自己饒舌像機關槍一樣、速度很快,那如果要形容人說話語速快的話,要怎麼說呢?台語有個說法,那就是「哩鑢叫」。 譬如說:「他講話一直『哩鑢叫』,聽都聽不懂。」或是聽到較不熟悉的語言,也會有一種速度很快、很像「哩鑢叫」的感覺,譬如說:「他的英語很利害,講得『哩鑢叫』的。」
另外一般比較常聽到的「踅踅唸」有一點不同,「踅踅唸」有可能是一直重覆同樣的內容,「哩鑢叫」就是單純速度的感覺。 參考發音:https://soundcloud.com/user-566276953/3rhgiktwsq2r

  • Digg
  • Del.icio.us
  • StumbleUpon
  • Reddit
  • RSS

唌睏



【唌睏】

「催眠 」 个台語按怎講?教典有收「催眠 」(tshui-bîn),但阮感覺嘛會使用「 唌睏 」(siânn-khùn )來形容喔~ 「唌睏」就是「唌人睏」,「唌」就是吸引、 引誘个意思。譬如會使按呢用:「這條歌足唌我睏。」抑是講:「聽伊講話敢若咧共人唌睏,強欲睏去矣。」 當然,嘛會使直接使用教典收个直接讀「催眠 」二字,只是阮感覺「 唌睏 」、「唌人睏」誠順,分享予逐家參考。😌

====

「催眠 」 的台語怎麼說呢?教典有收「催眠 」(tshui-bîn),但我們覺得可以用「 唌睏 」(siânn-khùn )來形容喔~ 「唌睏」就是「唌人睏」,「唌」就是吸引、 引誘的意思。譬如可以這樣用:「這首歌很『 唌我睏』 。」還是:「聽他說話好像在給人『唌睏』,快要睡著了。」 當然,也可以直接使用教典收的直接讀「催眠 」二字,只是我們覺得「 唌睏 」、「唌人睏」滿順的,分享給大家來參考。🧐 發音參考:https://soundcloud.com/user-566276953/etfcggp6ihgc

  • Digg
  • Del.icio.us
  • StumbleUpon
  • Reddit
  • RSS

【合時】 「應景」个台語按怎講?阮感覺上接近个,會使講是「合時」。 就親像「這軀衫足適合、足合軀」,抑是講足滿意「有合你个意」,所以有合這馬這个時節,就是「合時」。 原本咧臆,敢是「著時」?但「著時」較捷用佇水果、穿插,譬如講「當期水果真著時」;若用佇穿插,就是形容人穿插時行,「穿插真著時」。若是講「正著時」,就譬如講熱天食冰、寒天食爐,按呢是「正著時」,有合季節。 所以今仔中秋,就是愛食月餅、烘肉,按呢較「合時」,親像過年穿紅衫,按呢嘛較「合時」。😋

====
「應景」的台語怎麼講?我們覺得最接近的,可以說是「合時」。 就像「這衣服很適合、很合身」,還是說很滿意「有合你的意」,所以有符合現在這個時節,就是「合時」。 原本推測,可以說「著時」?但「著時」比較常用在水果、穿著,譬如說「當期水果真著時」;若用在穿著,就是形容人穿著時髦,「穿著真著時」。如果是說「正著時」,就譬如說熱天吃冰、冷天食火鍋,這樣是「正著時」,有合季節。 所以今天中秋,就是要吃月餅、烤肉,這樣比較「合時」,好比過年穿紅衣服,這樣也比較「合時」。

參考發音:https://soundcloud.com/user-566276953/nnxv5fstuxnp

  • Digg
  • Del.icio.us
  • StumbleUpon
  • Reddit
  • RSS

【揲】 華語「講話ㄉㄧㄤ人」、「被人ㄉㄧㄤ」,若台語欲按怎講呢? 其實,這有可能和台語「講話共人揲」个「揲」有關係,意思就是用話共人應、共人han-khóo,「揲」本身有修理、處罰个意思,所以才有這款講法。譬如序大會按呢講:「某某人講話真利,攏會用話共人揲。」 凡勢形容人逐gâu冤家,會使講是「揲王」哦?敢若比「冤家王」閣較利害呢~ 🤔 ==== 華語「講話ㄉㄧㄤ人」、「被人ㄉㄧㄤ」,那台語要怎麼說呢? 其實,這可能和台語「講話共人揲」的「揲」有關係,意思就是用話語回嘴、寒扣人,「揲」本身有修理、處罰的意思,所以才有這種用法。譬如長輩會這樣說:「某某人講話很銳利,都會用話『共人揲』。」 搞不好形容人很會吵架,可以說是「揲王」哦?好像比「冤家王」還要利害欸~ 🧐 發音參考:https://soundcloud.com/user-566276953/rkgnptyrtive

  • Digg
  • Del.icio.us
  • StumbleUpon
  • Reddit
  • RSS

生翼

【生翼】 生日,華語有時會講「長尾巴」來表示,若欲用台語形容,欲按怎講? 台語會講「生翼」,若是有人過生日,就會講:「某某人今仔生翼,會使買一床雞卵糕慶祝。」雞卵糕,會使用「一床」(tsi̍t sn̂g)來表示,「一床」个床,是炊床个意思,另外嘛會使用「一粒」來表示。 生翼,字面上就是翼股勇矣、會使展翼矣,所以才會用來表示生日。以前嘛捌聽過人講,囡仔大漢矣、攏飛飛出去矣,毋知敢是因為按呢,生日就是一冬比一冬閣較大漢,翼生出來矣,準備好通飛出去矣?以上分享予逐家參考~ ==== 生日,華語有時會用「長尾巴」表示,如果要用台語形容,該怎麼說呢? 台語會說「生翼」,如果有人過生日,就會說:「某某人今天生翼,可以買一床蛋糕慶祝。」蛋糕,可以用「一床」來表示,「一床」的床,是蒸籠的意思,另外也可以用「一粒」來表示。 生翼,字面上就是翅膀強壯了、可以展翅了,所以才會用來表示生日。以前也曾聽人說,小孩長大了、都飛出去了,不曉得是否因為如此,生日就是一年比一年長大,翅膀生出來,準備好要飛出去了?以上分享予逐家參考~ 發音參考:https://soundcloud.com/user-566276953/vpjo70a7ck7x 註: 翼股(si̍t-kóo):翅膀

  • Digg
  • Del.icio.us
  • StumbleUpon
  • Reddit
  • RSS

做瘦氣

 

【做瘦氣】

「調情」个台語欲按怎講?台語講法是「做瘦氣」。
譬如講:「恁兩个人嘛較差不多--ê,莫佇十一哥面頭前做瘦氣。」意思就是莫佇獨身仔面頭前「放閃」。
十一哥、羅漢跤,攏是獨身仔个意思,十一哥是形容孤身一人,只有家己一雙跤,就親像形容「11號公車」仝款,靠一雙跤行天下。
「做瘦氣」,其他寫法有「做㾪氣」、「做散喟」,嘛有 一種講法是「做產氣」,因為「調情」就是準備欲做和生產有關个代誌,這講法嘛分享予逐家參考看覓。🤔

====

「調情」的台語怎麼說?台語說法是「做瘦氣」。
譬如說:「你們兩個也差不多一點,不要在單身的人面前『做瘦氣』。」意思就是不要在單身者面前「放閃」。
十一哥、羅漢跤,都是單身者的意思,十一哥是形容獨身一人,只有自己一雙腳,就好比形容「11號公車」 一樣,靠一雙腳走天下。
「做瘦氣」,其他寫法有「做㾪氣」、「做散喟」,也有 一說是「做產氣」,因為「調情」就是準備要做和生產有關的事,這種說法也分享給各位參考囉~ 😏

發音參考:https://soundcloud.com/user-566276953/mgozbgkzlyqq

  • Digg
  • Del.icio.us
  • StumbleUpon
  • Reddit
  • RSS

礬去

 

【礬去】

若是欲形容「餅乾受潮」,台語欲按怎講?
餅若是囥久,抑是封無好勢,就會變甲潤潤袂脆,台語形容這款情形,就會講「礬去」。其他閣有「潤去」、「回潤」(huê-jūn)个講法。
「礬去」(huân--khì),「礬」本身有「浞予伊軟」、「將物件浞軟」个意思。這馬通常个用法,會講:「這餅礬去矣。」
若欲記這个詞嘛真簡單,「礬去」音和「煩去」欲仝,餅若潤去無好食,有影是一件足「煩」个代誌,按呢就記起來矣

========

如果要形容「餅乾受潮」,台語怎麼講呢?
餅乾如果放久,還是沒包好,就會變得不脆了,台語形容這種情形,就會說「礬去」。其他還有「潤去」、「回潤」等說法。
「礬去」,「礬」本身有「把它揉軟」、「將某物搓軟」的意思。現在一般的用法,會說:「這餅礬去矣。」
如果要記這個詞也很真簡單,「礬去」音和「煩去」類似,餅乾如果受潮不好吃,真是一件很「煩」的事情,這樣就記起來囉~ 

  • Digg
  • Del.icio.us
  • StumbleUpon
  • Reddit
  • RSS

巴里巴札

 




巴里巴札】

「狀況外」个台語按怎表示較好?其實會使講是「巴里巴札」(pa-li-pa-tsa)。
「巴里巴札」是揣較接近个漢字來鬥,台語會用 pa-li-pa-tsa 來形容某某人講話定定「七个鬥八个」、「驢頭不對馬喙」。講到遮,就愛提別講著,華語講「牛頭不對馬嘴」,台語原在講法其實是用「驢頭」(lû-thâu),凡勢是走音傳到尾仔才變成「牛頭」嘛無的確~
為啥物會用 pa-li-pa-tsa 來形容?有一種講法是,有一句話是「花巴哩貓」,意思是穿插色水就亂、亂七八糟个意思。所以這句 pa-li-pa-tsa 嘛是代表亂糟糟、捎無路、毋知表示啥,嘛會使用「巴哩巴臢」來表示,「臢」就是無清氣个意思。
以後若是欲形容人「狀況外」,會使考慮用「巴里巴札」來形容矣~
 
====

「狀況外」的台語要怎麼表示比較好呢?其實可以說是「巴里巴札」。
「巴里巴札」是找較接近的漢字來湊,台語會用 pa-li-pa-tsa 來形容某人講話常「七拼八湊的」、「驢頭不對馬嘴」。說到這,要特別提到,華語說「牛頭不對馬嘴」,台語原本的說法其實是用「驢頭」,搞不好是走音傳到後來才變成「牛頭」也不一定~
為何會用 pa-li-pa-tsa 來形容?有一種說法是,有句話是「花巴哩貓」,意思是穿著五顏六色、或是亂七八糟的意思。所以這句 pa-li-pa-tsa 也代表亂糟糟、搞不清楚要表示啥,所以也會用「巴哩巴臢」來表示,「臢」則是不乾淨的意思。
以後若是要形容人「狀況外」,或許可以考慮使用「巴里巴札」來形容囉~

發音參考:https://soundcloud.com/user-566276953/cqgw3a6h7o7o

  • Digg
  • Del.icio.us
  • StumbleUpon
  • Reddit
  • RSS

覕鬚


【覕鬚】

「收斂」个台語按怎講?
會使講是「覕鬚」,「覕」就是藏、閃避个意思,若喙鬚全垂落,就表示毋敢傷風神、傷超過;顛倒來講,若欲形容人愛展風神、囂俳,就是「聳鬚」矣,字面上就是喙鬚攏徛起來按呢。
阮有觀察,厝內个巴哥溜逗,伊若驚歹勢、驚驚个時,喙鬚就會攏垂落;阿若當咧暢、足歡喜个時,喙鬚閣真正會攏徛起來,而且會交喙皮做伙振動,有影是「覕鬚」和「聳鬚」呢~

====

「收斂」的台語怎麼講?

可以說是「覕鬚」,「覕」就是藏、閃避的意思,如果鬍鬚全下垂,就表示不敢太囂張、太超過;反過來講,如果要形容人愛臭屁、囂張,就是「聳鬚」囉,字面上就是鬍鬚全豎起來了。
我們觀察,家裡的巴哥溜逗,他如果怕生、會怕的時候,鬍鬚就會下垂;如果亢奮、很開心,鬍鬚還真的都會豎起來,而且還會隨著嘴巴抖動,真的是「覕鬚」和「聳鬚」哩~

====

發音參考:https://soundcloud.com/user-566276953/ppppbrxb6jro
註:
覕鬚(bih-tshiu):收斂、不敢招搖。
聳鬚(tshàng-tshiu):囂張、逞威風。
囂俳(hiau-pai):囂張。

====

專欄:#自由「畫」時代
#前衛出版社

《台語原來是這樣》購買資訊:https://www.books.com.tw/products/0010666107

  • Digg
  • Del.icio.us
  • StumbleUpon
  • Reddit
  • RSS

軟生


【軟生】

最近天氣實在有夠「惡毒熱」,佇外口拋拋走,若看著有人頭毛閣有法度保持「飛揚柔順」,就感覺足佩服。
台語講頭毛「飛揚柔順」,會用「軟生」(nńg-senn)、「光生」(kng-senn)、「金滑」(kim-ku̍t)來形容。
嘛有一種講法,其實這種形容是「軟紗」(nńg-se),感覺嘛有可能,就親像頭毛若紗仔仝款,逐家感覺咧?🤔
但阮是較愛用「軟生」,就親像「鐵骨仔生」,後壁加一字「生」,攏是形容人个外型。

====


最近天氣實在有夠「惡毒熱」,在外面走跳,若看到有人頭髮還能夠保持「飛揚柔順」,實在是很佩服。
台語說頭髮「飛揚柔順」,會用「軟生」、「光生」、「金滑」來形容。
但有此一說,其實這種形容是「軟紗」,感覺也很有可能,就像是頭髮跟紗一樣,大家覺得呢?😊
我們是比較愛用「軟生」,就好像「鐵骨仔生」,後面加一字「生」,都是形容人的外型。

====

發音參考:https://soundcloud.com/user-566276953/tpt0h2ypsfjw

註:
惡毒熱( ok-to̍k jua̍h):熱的最高級
軟生(nńg-senn):光滑柔順
鐵骨仔生(thih-kut-á-senn):精瘦結實

  • Digg
  • Del.icio.us
  • StumbleUpon
  • Reddit
  • RSS

搬戲弄情


【搬戲弄情】

「矯揉造作」个台語按怎講?應該會使用「搬戲弄情」來形容~
台語原本有「假仙假觸」(ké-sian-ké-tak)个講法,但意思可能較倚「假惺惺」,所以一直咧思考「矯揉造作」欲按怎講閣較合意思。「搬戲弄情」,搬戲本身嘛有假仙个意思,弄情就是使弄對方个情緒,嘛就是用較譀个動作、面部表情來達成目的。
另外若查字典,內底解釋寫《紅樓夢》對話有「矯揉造作」這詞,阮咧想,若將「矯揉造作」翻譯做「搬戲弄情」敢若嘛誠合呢?

====


「矯揉造作」的台語怎麼講?應該可以用「搬戲弄情」來形容~
台語原本有「假仙假觸」的講法,但意思可能較接近「假惺惺」,所以一直在思考「矯揉造作」要怎樣講能更合意思。「搬戲弄情」,搬戲本身也有假仙的意思,弄情就是逗弄對方的情緒,也就是用誇張動作、臉部表情來達到目的。
另外如果查字典,裡面解釋寫《紅樓夢》對話有「矯揉造作」這詞,我們在想,如果將「矯揉造作」翻譯成「搬戲弄情」好像也很合哦?

  • Digg
  • Del.icio.us
  • StumbleUpon
  • Reddit
  • RSS

香芳


【香芳】

「香包」个台語欲按怎講?
一般會講香芳、香袋仔,會記持細漢,若到五日節,阿母抑是學校就會開始教講欲按怎紩香芳。有時陣會紩動物、水果个形體,但我是較佮意紩香芳粽个形,感覺較有五日節氣氛
香芳粽內底,有一味是艾草(hiānn-tsháu),艾草一般慣勢直接講 hiānn,蠓蟲就較袂倚過來,這應該是上古早个「防蚊掛片」著無?

=====

「香包」的台語怎麼講?
一般會講香芳、香袋仔,記得小時候,若到端午節,媽媽或學校就會開始教怎麼縫香包。有時會縫動物、水果的造型,但我是比較喜歡縫香包粽的樣子,感覺比較有端午節氣氛。
香包粽內部,有一味是艾草,艾草一般習慣只講 hiānn(音近似台語『兄』),蚊蟲就不會靠近,這應該是上古老的「防蚊掛片」對吧?

註:
紩(thīnn):縫

  • Digg
  • Del.icio.us
  • StumbleUpon
  • Reddit
  • RSS

海熊


【海熊】

「北極熊」台語按怎講?
「北極熊」號做「海熊」,佇日本時代,台南報紙《三六九小報》內底,就有一位府城文人洪鐵濤捌寫文章介紹過,海熊就是北極熊。
台灣四面環海,你掠準真孤單,但透過這片海洋又和世界牽做伙。今仔拄好是世界海洋日,嘛是台灣第一屆个國家海洋日!「海熊」敢若離咱足遠,但身為海洋國家,透過這片海洋,咱就是世界一部份。

====

「北極熊」台語怎麼說?
「北極熊」叫做「海熊」,在日本時代,台南報紙《三六九小報》裡面,就有一位府城文人洪鐵濤曾寫文章介紹過,海熊就是北極熊。
台灣四面環海,你以為很孤單,但透過這片海洋又和世界連了起來。今天正好是世界海洋日,也是台灣第一屆的國家海洋日!「海熊」好像離我們很遠,但身為海洋國家,透過這片海洋,我們就是世界的一部份。

  • Digg
  • Del.icio.us
  • StumbleUpon
  • Reddit
  • RSS

綴伻


【綴伻】

最近看逐家咧二創美少女戰士,這應該算是阮這輩囡仔時回憶之一,當然嘛愛來「跟風」囉~
台語个「跟風」欲按怎講?應該會使講是「綴伻」(tuè phenn)哦!🤔
「跟風」个英文是follow suit,源自於拍牌術語,suit是牌仔个花色,和別人拍出仝款花色个牌,最後變成為「跟風」个意思。
台語个「綴」有綴人行个意思,「伻」本身有分配个意思,台語有講法是「仝伻的」(kāng phenn--ê)、「你和伊是仝伻的」,意思是仝黨的、仝組的,源自於拍牌的pair,嘛是「一對」个意思。
所以若是這語意,「跟風」會使講是「綴伻」,希望家己和別人是「同一對的」、「仝伻的」概念啦~ 🤗

====


最近看大家在二創美少女戰士,這應該算是我們這輩童年回憶之一,當然也要來跟風囉~
台語的「跟風」要怎麼講?應該可以說是「綴伻」(tuè phenn)哦!🤔
跟風的英文是follow suit,源自於撲克牌術語,suit是撲克牌的花色,跟著別人打出同樣花色的牌,最後變成為「跟風」的意思。
台語的「綴」有跟隨之意,而「伻」本身有分配的意思,台語有個說法是「仝伻的」(kāng phenn--ê)、「你和伊是仝伻的」,意思是同一掛、同一對的,源自撲克牌的pair,也就是「一對」的意思。
所以取其這個語意,「跟風」可以說是「綴伻」,希望自己跟他人是「同一對的」、「仝伻的」概念啦~ 🤗

  • Digg
  • Del.icio.us
  • StumbleUpon
  • Reddit
  • RSS

尾花芋


【尾花芋】

聽講最近咧推銷台灣母親花「火鶴」,音仝「乎好」,感覺閣誠趣味~😂
但其實「火鶴」个台語是「尾花芋」哦!毋過,阮感覺「乎好」嘛足親切,而且這款花看起來真正足成一蕊大愛心呢!
若是台灣母親花攏變成「乎好」,敢若嘛袂䆀!

====

聽說最近在推銷台灣母親花「火鶴」,諧音近似「乎好」,覺得還滿有趣的~🥰
但其實「火鶴」的台語是「尾花芋」哦!不過,我們覺得「乎好」也滿親切的,而且這種花看起來真的很像一顆大愛心呢!
如果台灣母親花一律變成「乎好」,真的也不錯!

  • Digg
  • Del.icio.us
  • StumbleUpon
  • Reddit
  • RSS

剪絨仔花


【剪絨仔花】

「康乃馨」个台語號做「剪絨仔花」,抑是「剪絨花」、「剪絨」。
另外,嘛有人會講是「母親花」,畢竟大部份若講著這工特別个日子就是母親節、阿母節。
序大是慣勢講「絨仔花」,可能是因為足成絨仔布所剪成个外觀,阮是感覺講「絨仔花」較順,但「剪絨仔花」聽起來敢若較大蕊,因為會想著以前佇學校會「耍剪紙」(sńg tsián-tsuá),毋是鉸紙喔...聽起來誠恐怖(音和虼蚻欲仝),若是剪紙剪一蕊絨仔花,完成了後正港是一蕊有夠大蕊个「剪絨仔花」哦!



=====

「康乃馨」的台語叫做「剪絨仔花」,或是「剪絨花」、「剪絨」。
另外,也有人會說是「母親花」,畢竟大部份如果說到這個特別的日子就是母親節、阿母節。
長輩是慣勢講「絨仔花」,可能是因為很像絨仔布所剪成的外觀,我們是覺得講「絨仔花」較順,但「剪絨仔花」聽起來好像比較大蕊,因為會想起以前在學校會「剪紙」,不是「鉸紙」喔...聽起來很恐怖(台語音和蟑螂一樣),如果是剪紙剪一朵絨仔花,完成之後真的會是一蕊有夠大蕊的「剪絨仔花」哦!

  • Digg
  • Del.icio.us
  • StumbleUpon
  • Reddit
  • RSS

露螺麭


【露螺麭】

逐家應該攏看過這款麭?聽講今仔是日本个「露螺麭」之日哦!
這麭號做「露螺仔」、「露螺麭」,可能是因為麭本體足成露螺殼,內底个餡會包kuriimu ,非常好食。
但其實食這款麭有特別个撇步,就是愛對尾仔拗斷開始食,沓沓仔搵頭前个餡食,搵了才閣將餡對頭擠,按呢照起工進行,到尾仔才將規塊食掉,按呢內底个餡全攏袂拍損哦!




====

大家應該都看過這種麵包?聽說今天是日本的「露螺麭」之日哦!
這種麵包叫做「露螺仔」、「露螺麭」(蝸牛麵包),可能是因為麵包本體很像蝸牛殼,裡面內餡會包奶油 ,非常好吃。
但其實吃這種麵包有特別的步驟,就是樣從尾巴掰斷開始吃,慢慢地沾前面的奶油或巧克力吃,沾了再慢慢把內餡往前端擠,這樣反覆進行,到最後再把整塊麵包吃掉,這樣裡面的內餡全部都不會浪費哦!

  • Digg
  • Del.icio.us
  • StumbleUpon
  • Reddit
  • RSS

4/29世界舞蹈日


【4/29世界舞蹈日】

今仔是「世界舞蹈日」,講著舞蹈(bú-tō),毋知逐家會想著啥物動作?
「世界舞蹈日」,是為著紀念現代芭蕾(pa-lê )之父 Jean-Georges Noverre ,阮所想著个動作是這招「反跤刀」,所以進前佇ViewFinder出个衫,就是特別畫「反跤刀」跳舞个動作。
當然嘛有「躡跤尾 」這步,以前嘛捌介紹過台灣現代舞先輩蔡瑞月女士,若有興趣嘛歡迎參考以前阮寫个介紹。
著~今仔台灣又閣+0無人確診,拄好閣是「世界舞蹈日」,逐家鬥陣來原地小可跳舞,慶祝慶祝,繼續加油落去~

====


今天是「世界舞蹈日」,講起舞蹈,不曉得大家會想到什麼動作?
「世界舞蹈日」,是為了紀念現代芭蕾之父 Jean-Georges Noverre ,我們所想到的動作是這招「反跤刀」,所以之前在ViewFinder出的衣服,就是特別畫「反跤刀」跳舞這動作。
當然也有「躡跤尾 」這步,以前也曾介紹過台灣現代舞前輩蔡瑞月女士,若有興趣也歡迎參考以前我們寫的介紹。
對了~今天台灣又是+0無人確診,又正好是「世界舞蹈日」,大家一起來原地小小跳舞,慶祝慶祝,繼續加油下去吧

註:


◎ 【反跤刀】ViewFinder 短袖、長袖商品| ►►►
https://www.viewfinder.com.tw/search.php?k=反跤刀

◎ 跳舞常用到的「踮腳尖」動作,台語怎麼說?
https://storystudio.tw/article/gushi/neh-kha-bue/
 

  • Digg
  • Del.icio.us
  • StumbleUpon
  • Reddit
  • RSS

點控筆


【點控筆】

「觸控筆」和「觸控螢幕」台語按怎講?會使講是「點控筆」、「點控螢幕」。
以前捌聽過「智慧手機仔」是「用摸个手機仔」,但其實干焦「摸」,可能無法度操作,愛「點」才有法度操作控制,所以阮感覺講「點控」可能較有通。
這馬只要去便利超商,操作彼台「四物仔雞」(事務機),就會使注文喙罨矣,實在有夠方便~ 這時陣就會使將「點控筆」提出來,操作「點控螢幕」囉!

====

「觸控筆」和「觸控螢幕」台語怎麼說?可以說是「點控筆」、「點控螢幕」。
以前曾聽過「智慧手機」是「用摸的手機」,但其實只是「摸」,可能沒辦法操作,要「點」才有辦法操作控制,所以我們覺得講「點控」可能比較順。
現在只要去便利商店,操作那台「四物雞」(事務機),就可以預購口罩了,實在有夠方便~ 這時候就可以將「觸控筆」拿出來,操作「觸控螢幕」囉!

發音參考:

https://soundcloud.com/user-566276953/v8upp0ave83i?fbclid=IwAR2_3PPyHmuBD-5tQYsEIpba0CGswQG47EnB0zi9Rr3-Jmcw1b15c9zQ5Vs

  • Digg
  • Del.icio.us
  • StumbleUpon
  • Reddit
  • RSS

無人確診!


【無人確診!】

今仔日又閣是無人確診,足歡喜~拄仔好中晝閣有日圍箍(ji̍t uî-khoo),真正是一字大大个0,實在是好吉兆!台灣加油!逐家攏辛苦矣!

====

今天又是 0 確診,好開心~正好中午又有日暈,真的是一個大大的 0 字,實在是好預兆!台灣加油!大家都辛苦了!

註:
日圍箍(ji̍t uî-khoo):日暈

  • Digg
  • Del.icio.us
  • StumbleUpon
  • Reddit
  • RSS

驚 kiann


【驚 kiann】

提著粉紅色喙罨—免驚~

喙罨掛毋著所在—驚...

  • Digg
  • Del.icio.us
  • StumbleUpon
  • Reddit
  • RSS

電子煎鼎


【電子煎鼎】

「氣炸鍋」个台語按怎講?會使直翻「氣糋鼎」(讀起來足成氣質鼎😂),阮較慣勢講「電子煎鼎」。
一般若講著「氣炸鍋」,若照字面,會想講會使糋足濟料理(無包括喙罨),但其實伊功能除了糋物件,嘛會使有其他料理方式,譬如煎牛排...
若是和序大講「氣糋鼎」,可能較無法度理解,後來用「電子煎鼎」抑是「電子油鼎」,顛倒好理解是會使糋、煎的功能,讀起來也較順。

====

「氣炸鍋」的台語怎麼講?可以直翻「氣糋鼎」(讀起來很像氣質鼎😂),我們比較習慣說「電子煎鼎」。
一般如果說到「氣炸鍋」,若照字面,會想說可以炸很多料理(不包括口罩),但其實它功能除了炸物,也可以有其他料理方式,譬如煎牛排...
若是跟老一輩的講「氣糋鼎」,可能比較無法理解,後來用「電子煎鼎」或「電子油鼎」,反而可以理解是可以炸、可以煎的功能,讀起來也較順。

註:
糋(tsìnn):炸
喙罨(tshuì-am):口罩

  • Digg
  • Del.icio.us
  • StumbleUpon
  • Reddit
  • RSS

100%言論自由


【100%言論自由】

今仔是鄭南榕先輩為著「100%言論自由」殉道个日子,嘛是「言論自由日」,這幅圖是阮2017年桌曆所畫个圖,圖面內底彼本雜誌,就是「時代雜誌」。
「致蔭」,就是庇蔭、庇護,向望佇這片土地个每一个人,攏會使繼續用行動來守護咱得來不易个自由。
嘛分享一塊阮聽著足有感動的歌,濁水溪公社《南榕的遺言》 ,內底歌詞是按呢:「...一重一重海波浪(經過歷史个滄桑),怨嘆攏無較縒(khah-tsua̍h),攑頭,提出氣魄向前行。想欲問你心目中,敢袂小可(sió-khuá)失望?... 」
咱攏有法度透過自由做選擇閣有決定,莫予未來有失望抑是遺憾。


====

今天是鄭南榕前輩為了「100%言論自由」殉道的日子,也是「言論自由日」,這幅圖是我們2017年桌曆所畫的圖,圖案裡面那本雜誌,就是「時代雜誌」。
「致蔭」,就是庇蔭、庇護,但願在這片土地的每個人,都可以繼續用行動來守護我們得來不易的自由。
也分享一首我們聽了很有感觸的歌,濁水溪公社《南榕的遺言》 ,裡面的歌詞是這樣:「...一重一重海波浪(經過歷史个滄桑),怨嘆攏無較縒(khah-tsua̍h),攑頭,提出氣魄向前行。想欲問你心目中,敢袂小可(sió-khuá)失望?... 」
我們都有辦法透過自由做選擇跟決定,不要讓未來有失望或遺憾。

註:
濁水溪公社《南榕的遺言》 https://youtu.be/_9wcva6vuMs

  • Digg
  • Del.icio.us
  • StumbleUpon
  • Reddit
  • RSS

稻仔尾賊


【稻仔尾賊】

定聽人講某某某閣咧「收割」矣,誰是「收割王」...按呢,「收割王」的台語欲按怎講呢?台語會使講「稻仔尾賊」。
台語講「割稻仔尾」就是講佔人便宜,若是專門共人偏、抾俗仔,搶人的功勞,用「賊」來形容這款人會閣較適合。
所以講「稻仔尾賊」就是「收割王」的意思啦~

====

常聽人說某某某又在「收割」了,誰是「收割王」... 那麼,「收割王」的台語要怎麼說呢?台語可以說「稻仔尾賊」。
坐享其成、不勞而獲的台語是「割稻仔尾」,如果專門收割、撿尾刀的,專偷人家的功勞,應該用「賊」來形容這種人會更合適。
所以說「稻仔尾賊」也就是「收割王」的意思啦~

  • Digg
  • Del.icio.us
  • StumbleUpon
  • Reddit
  • RSS

戲弄節


【戲弄節】

今仔日是「愚人節」,阮攏講「戲弄節」,嘛有人會直接照讀「愚人節」(但是讀起來會足成「牛奶節」...😅),閣有一種是「戇人節」。
若你佮意甲人戲弄,按呢你是咧過「戲弄節」;若你今仔日予人戲弄著矣,按呢恭喜你...你今仔日過著「戇人節」矣!😂
講著「戇」的形容,台語有百百種,譬如講:戇猴、戇牛、戇呆、戇直、戇戇、戇戇戇... 若欲知影閣較濟「戇」的講法,《鯤島計畫》這本冊內底,第二篇故事有收非常濟和「戇」有關的講法~假日若有閒會使看覓咧!

====

今天是「愚人節」,我們都說「戲弄節」,也有人會直接照讀「愚人節」(但是讀起來會很像「牛奶節」...😅),還有一種是「戇人節」。
如果你喜歡戲弄人,這樣你是在過「戲弄節」;如果你今天被人戲弄了,這樣恭喜你...你今天過了「戇人節」啦!😂
講到「戇」的形容,台語有百百種,譬如講:戇猴、戇牛、戇呆、戇直、戇戇、戇戇戇... 如果要知道更多「戇」的講法,《鯤島計畫》這本書裡面,第二篇故事有收非常多和「戇」有關的講法~假日如果有空可以看看喔!

註:
《鯤島計畫》
博客來:
https://www.books.com.tw/products/0010811726
讀冊:
https://taaze.tw/goods/11100867552.html

  • Digg
  • Del.icio.us
  • StumbleUpon
  • Reddit
  • RSS

吊鼎


【吊鼎】

你敢有「吊鼎」?
台語講「吊鼎」,就是無物件通食、無物件通煮,所以銅鼎生鍋(tâng-tiánn senn-ue)只好吊佇壁,無法度使用。
生鍋的「生」,其實就是「生鐵仔」、「生仔」所製造的鍋仔,一般閣有「銑仔」、「鉎仔」抑是「鍟仔」的寫法。
這馬這時代欲「吊鼎」是蓋困難,所以嘛免囤貨,加囤一寡冊好矣。

====

你「吊鼎」了嗎?
台語說「吊鼎」,就是沒東西吃、無東西煮,所以鍋碗瓢盆只有掛在牆上,沒辦法使用。生鍋的「生」,其實就是「生鐵仔」、「生仔」所製造的鍋子,一般還有「銑仔」、「鉎仔」或是「鍟仔」的寫法。
現在這時代要「吊鼎」是很困難的,所以也不用囤貨,多囤一些書就好了。

  • Digg
  • Del.icio.us
  • StumbleUpon
  • Reddit
  • RSS

斑馬按怎講?


【斑馬按怎講?】

斑馬敢是「烏白馬」?其實斑馬是「花條馬」喔!

  • Digg
  • Del.icio.us
  • StumbleUpon
  • Reddit
  • RSS

拜一特別無閒,想起這畫面...


拜一特別無閒,想起這畫面...

  • Digg
  • Del.icio.us
  • StumbleUpon
  • Reddit
  • RSS

袂博假博


【袂博假博】

意思是不懂裝懂,類似「半瓶水」,台語也說「半桶師仔」,常戲稱為「半桶屎」。

  • Digg
  • Del.icio.us
  • StumbleUpon
  • Reddit
  • RSS

季節的色緻


【季節的色緻】

一直感覺台灣春天的色緻,應該是柑仔色和黃色,因為這个季節,拄好是「木棉花」跟「黃金風鈴花」上旺的季節。
出門時,攏會看著路面已經予怹鋪做柑仔色無就是黃色,這兩種花的台語名,就是「斑芝花」和「黃金鈴仔花」。
另外,台語有另一種花叫「鈃仔花」,所講的就是「百合花」。
斑芝花的季節敢若欲結束矣,想要賞花的人,跤手愛較緊喔

====

一直覺得台灣春季的顏色,應該是橘色跟黃色,因為這個季節,正是木棉花跟黃金風鈴花盛開的時期。
外出時,都會看到路上已被他們鋪成了橘色或黃色,而這兩種花的台語名稱,分別是「斑芝花」跟「黃金鈴仔花」。
另外,台語有另一種花叫「鈃仔花」,指的就是「百合花」
斑芝花的季節好像快要結束了,想要賞花的人,手腳要快一點喔!

  • Digg
  • Del.icio.us
  • StumbleUpon
  • Reddit
  • RSS

二二八


【二二八】

毋通袂記,二二八。


😢

  • Digg
  • Del.icio.us
  • StumbleUpon
  • Reddit
  • RSS

世界母語日.愛 抑是 無愛


【世界母語日.愛 抑是 無愛】

這站感覺母語有淡薄仔像芫荽,愛的人足愛,無愛的人敢若感覺有若無攏好。但有的人可能無真正試過,若開喙試過這味,嘛有可能會愛甲玲瑯踅喔!愛、無愛,只差一字呢~

====

這陣子覺得母語有點像香菜,愛的人很愛,不愛的人似乎覺得可有可無。但有的人可能沒真的嘗試過,一旦開口試過這味後,或許也會深深地無可自拔哦!愛、無愛,只差一字呢

  • Digg
  • Del.icio.us
  • StumbleUpon
  • Reddit
  • RSS

鼠來平安.厝內平安


【鼠來平安.厝內平安】

欲過年矣!

祝各位

鼠來平安.厝內平安!

  • Digg
  • Del.icio.us
  • StumbleUpon
  • Reddit
  • RSS

轉去頓票

【轉去頓票】

明仔就欲頓票矣!莫想講無精差你一票!
選的毋但是總統,閣是咱家己的未來... 所以請逐家轉去頓票,家己決定,未來台灣欲駛去佗位!

====

明天就要投票了!不要以為沒差你一票!
選的不只是總統,也是我們自己的未來...所以請大家回去投票,自己決定,未來台灣要開往哪裡去!

註:
無精差(bô-tsing-tsha):沒差
頓票(tǹg-phiò):投票

  • Digg
  • Del.icio.us
  • StumbleUpon
  • Reddit
  • RSS