粉紅色小屋 Pink Phang Phang

【所費不貲的台語— 傷重】

最近講著一个詞「傷重」，雄雄感覺著，這个詞足趣味。

「傷重 siong-tiōng」意思是「所費不貲」。若照字面，應該是某某人著傷、傷蓋大，按呢想起來嘛有影呢～所費傷重，有影是有傷著、傷蓋大，華語講「荷包大失血」，「傷重」就明明明。

「傷重錢」意思是足開錢，「傷重電」意思是足了電，嘛會使將物件接「傷重」二字，譬如講：「厝內人濟，米食甲足傷重。」抑是講：「佇厝內就穿遐爾好个衫，敢會傷過頭傷重？」

較早若聽序大講啥物電器「足傷重電」，就會感覺真正食電食蓋重，嘛有可能是「傷重」真正足有畫面感个關係喔！

＝＝＝＝

最近講到一個詞「傷重」，突然覺得，這個詞真有趣。

「傷重 siong-tiōng」意思是「所費不貲」。照字面，應該是某某人受傷、傷很大，這樣想起也對～開銷太大，的確是有傷到、傷很大，華語說「荷包大失血」，「傷重」就清楚明白。

「傷重錢」意思是很花錢，「傷重電」意思是很耗電，也可以將東西接「傷重」，譬如說：「家裡人多，米吃的『足傷重』。」或是說：「在家就穿這麼好的衣服，會不會太『傷重』？」

以前如果聽長輩說什麼電器「足傷重電」，就會覺得真的非常耗電，或許是「傷重」真正很有畫面感的關係哦！

【闢謠的台語】喝明

【闢謠的台語— 喝明】

「闢謠」个台語，應該愛按怎講？凡勢台語會使講「喝明 huah-bîng」哦！

台語「喝 huah」和華語「喝」無仝，譬如華語「喝飲料」个台語是「啉飲料」，用「啉 lim」來表示，台語、華語漢字「喝」佇遮有無仝意思。台語「喝 huah」是大聲將話講出喙，譬如講「喝出喙」、「大聲喝」，所以「喝明」就是將一件代誌講予清楚、大聲解釋，嘛有澄清个意思。

以上分享予逐家～

＝＝＝＝

「闢謠」的台語，應該要怎麼說？或許台語可以說「喝明 huah-bîng」哦！

台語「喝 huah」和華語「喝」不一樣，譬如華語「喝飲料」的台語是「啉飲料」，用「啉 lim」表示，台語、華語漢字「喝」在這裡有不同意思。台語「喝 huah」是大聲將話說出口，譬如說「喊出來」、「大聲呼喊」，所以「喝明」就是將一件事情交代清楚、解釋明白，也有澄清的意思。

以上分享給各位～

發音參考：https://soundcloud.com/user-566276953/1279b788-6dc9-4469-bcbd-05ec3d55a9de

【優越感的台語】風神氣

【優越感的台語— 風神氣】

「優越感」个台語，應該愛按怎講？凡勢台語會使講「風神氣 hong-sîn-khuì」哦！

台語講「風神」、「展風神」有足愛展、臭屁个意思，譬如講：「逐擺若聽著伊笑甲按呢，就知影伊閣咧展風神矣。」若是加上一字「氣」呢？台語講著「氣」，有表現外在行事个意思，譬如「激一个氣」就是「激派頭」个意思；親像「參仔氣」就是形容講話有一款好額人氣口、假高尚个意思。所以「風神氣」就袂輸激一个比別人較贏个派頭，就是這馬所講个「優越感」，譬如講：「伊个風神氣哪會遐重，實在予人接載袂牢。」

以上分享予逐家～

====

「優越感」的台語，應該要怎麼說？或許台語可以說是「風神氣 hong-sîn-khuì」哦！

台語說「風神」、「展風神」有愛炫耀、臭屁的意思，譬如說：「每次聽到他笑成這樣，就知道他又在『展風神』了。」如果在後面加上一個「氣」呢？台語說到「氣」，有表現外在行事的意思，譬如「激一个氣」就是「激派頭」的意思；好比「參仔氣」就是暗指說話有一種有錢人的口吻、大頭症的意思。所以「風神氣」就好像展現出一種比別人贏面更大的派頭，也就是現在所說的「優越感」，譬如說：「他的『風神氣』真重，實在讓人受不了。」

以上分享予逐家～

註：

接載袂牢 tsih-tsài bē tiâu：受不了、無法承受。

【邊緣人的台語— 孤鳥】

「邊緣人」个台語，應該愛按怎講？台語會講「孤鳥 koo-tsiáu」。
台語原本就有「孤鳥」个講法，譬如講「孤鳥插人群 koo-tsiáu tshah lâng-kûn」，意思就是無人通鬥相共、孤身一人，「邊緣人性格」，凡勢就會使講是「孤鳥个個性」。
最近阮開講時嘛討論著，凡勢「邊緣人」个台語，嘛會使講「坐壁角个」，譬如講：「我佇阮班算講是坐壁角个，一寡活動我攏無啥想欲參加。」
以上分享予逐家～

＝＝＝＝

「邊緣人」的台語，應該要怎麼說？台語會說「孤鳥 koo-tsiáu」。台語原本就有「孤鳥」的說法，譬如講「孤鳥插人群 koo-tsiáu tshah lâng-kûn」，意思就是沒人幫忙、形單影隻，「邊緣人性格」，或許就可以說是「孤鳥个個性」。
最近閒聊時，我們也討論到，或許「邊緣人」的台語，也可以說「坐壁角个」，譬如：「我佇阮班算講是坐壁角个，一寡活動我攏無啥想欲參加。」
以上分享給各位～

【好為人師、說教的台語】無牌先生

【好為人師、說教的台語— 無牌先生】

「好為人師」、「說教」个台語，應該愛按怎講？凡勢會使講—「無牌先生」唷！

其實這款行為，台語原本講法是：「足愛甲人教。」、「出一支喙」但是彼工雄雄想著一个新講法，感覺閣誠趣味，就是「無牌先生」，「先生」愛發音Sensei，就是老師个意思。譬如講：「伊閣來矣，人只有講一句，伊就欲開始做無牌先生甲人教矣。」

以上分享予逐家～

＝＝＝＝＝

「好為人師」、「說教」的台語，應該怎麼說？或許可以說—「無牌先生」唷！

其實這種行為，台語原本說法是：「足愛甲人教。」、「出一支喙」但是那天突然想到一個新說法，感覺還頗有趣，就是「無牌先生」，「先生」要發音Sensei，就是老師的意思。譬如說：「伊閣來矣，人只有講一句，伊就欲開始做無牌先生甲人教矣。」

以上分享給各位～

【『修剪枝葉讓它長得更好』的台語】葉仔無挽毋成欉

【『修剪枝葉讓它長得更好』的台語— 葉仔無挽毋成欉】

前一站仔想著，植物愛不時修剪，按呢會較健康、較旺，毋知有啥物專有名詞會使表示這種行為？想半晡，煞想著台語這句話：「葉仔無挽毋成欉。」

「葉仔無挽毋成欉」，意思就是字面上，樹仔植物枝葉，若無照起工修剪，就會發了䆀去、走精去，若經過挽葉修剪，顛倒會發穎、愈來愈旺。這句話嘛會使用佇生活層面，譬喻講將欠點修剪掉，代誌才會有好个轉變。

以上分享予逐家～

＝＝＝＝＝

前陣子想到，植物要修剪，這樣才會比較健康、好看，不曉得有什麼專有名詞可以表達這種行為？想老半天，反倒想起台語這句話：「葉仔無挽毋成欉。」

「葉仔無挽毋成欉」，意思就如字面，樹木植物枝葉，如果沒按時修剪，就會長得不好看、失序，若經過除葉修剪，反倒會發出新芽、越來越旺。這句話也能用在生活層面，譬如說將缺失修剪掉，事情才會有好的轉變。

以上分享給各位～

事半功倍、對症下藥的台語— 破爿斧

【事半功倍、對症下藥的台語— 破爿斧】

「事半功倍、對症下藥」个台語按怎講？台語有原本个講法，是「食著藥，青草一葉」，意思就是若食著藥仔，一葉个藥仔就有效果。

但是有一工，無意間看著演算法予我看著一个影片（下底補充），原來有一款斧頭，頭前設計破爿構造，破柴時頭前破爿部份會將柴拆開，省力省時間。阮感覺若用佇新詞，除了會使將這款斧頭號做「破爿斧」之外，嘛會使用來形容做代誌「事半功倍」，譬如講：「代誌處理了真上手，親像用著破爿斧仝款。」

以上分享予逐家～

＝＝＝＝

「事半功倍、對症下藥」的台語按怎講？台語有原本的說法，是「食著藥，青草一葉」，意思就是如果吃對藥，一點藥就能見效。

但是有一天，無意間看到演算法給我看到一個影片（下面補充），原來有一種斧頭，前端設計分邊結構，砍柴時前端分邊部份會將柴分開，省力省時間。我們覺得如果用在新詞，除了可以將這種斧頭名為「破爿斧」之外，也能用來形容「事半功倍」，譬如說：「代誌處理了真上手，親像用著破爿斧仝款。」

以上分享給各位～

註：

破爿（phuà-pîng）：剖半、分邊。

【每次的台語—見擺】

【每次的台語—見擺】

「每次」个台語按怎講？台語除了講「逐擺 ta̍k-pái」，嘛會講「見擺 kiàn-pái」。

「逐擺」个用法，可能逐家攏較清楚，譬如：「你逐擺攏按呢講。」其實「見擺」嘛差不多，譬如：「你見擺攏按呢講。」「見擺攏聽你按呢講」這个「見 kiàn」字，有「每一擺」个意思，有一句話講：「烏鴉喙，見講見著！」抑是講：「你喔...見講見著！」意思若只要開喙就無好代誌、烏鴉喙，就是用彼字「見擺」个「見」字來形容。

以上分享予逐家～

＝＝＝＝

「每次」的台語怎麼講？台語除了說「逐擺 ta̍k-pái」，也會說「見擺 kiàn-pái」。

「逐擺」的用法，可能大家比較清楚，譬如：「你逐擺攏按呢講。」其實「見擺」也差不多，譬如：「你見擺攏按呢講。」「見擺攏聽你按呢講」這裡的「見 kiàn」字，有「每次」的意思，有句話說：「烏鴉喙，見講見著！」或是說：「你喔...見講見著！」意思若只要開喙就無好代誌、烏鴉嘴，就是用那個「見擺」的「見」字來形容。

以上分享給各位～

發音參考：
https://soundcloud.com/user-566276953/dba78676-2f98-4913-b711-2e87a68c234f

Read User's Comments2

【陌生的台語】生份

【陌生的台語—生份】

「陌生」个台語按怎講？台語會講「生份 senn-hūn」。
譬如講生份人，意思就是無熟似个人，若是人和人之間个關係閣無遐呢親，嘛會講兩人之間个關係閣誠生份。
這種生份个感覺嘛會出現佇其他情形，逐家敢有感覺著，若放假放一段時間，收假了後去上班上課搪著同事同學，會淡薄仔有一種生份个感覺。生份另外一種講法就是生疏，人和人之間个交流，會透過時間轉變，一段時間無見面，對一寡人來講，這款生份感覺可能就會足強，愛閣重新習慣才袂遐呢疏遠。
以上分享予逐家～

＝＝＝＝

「陌生」的台語怎麼講？台語會講「生份 senn-hūn」。
譬如說「生份人」，意思就是不熟識的人，若是人和人之間的關係還沒那麼親近，也會說兩人之間的關係還很陌生。
這種陌生的感覺也會出現在其他情形，大家是否也有這種感覺，如果放假放一段時間，收假之後去上班上課遇到同事同學，會有一點點有種「生份」的感覺。「生份」另外一種講法就是「生疏」，人和人之間的交流，會透過時間轉變，一段時間沒見面，對一些人而言，這種「生份」感覺可能就會很強，還需要重新習慣不會這麼疏遠。
以上分享給各位～

【仍舊、依舊的台語】原仔

【仍舊、依舊的台語—原仔】

有一工和人開講，對方講著：「彼間店開誠久矣，『原仔』袂歹食呢...」雄雄聽著，閣想講是咧講「丸仔」，是啥物丸仔有偌好食？繼續問落去，伊笑講：「無啦！我是講仝款好食啦！」

原來是咧講「原仔 uân-á」，嘛有人講guân-á、ûn-á、gûn-á，和「猶原」有仝款意思。只是講雄雄聽著，有影足誠咧講「丸仔 uân-á」，感覺誠古錐呢～

以上分享予逐家。

＝＝＝＝

有一天和人聊天，對方說到：「那間店開很久囉，『原仔』滿好吃的哩...」突然聽到，還想說是在講「丸子」，是什麼丸子是有多好吃啊？繼續問下去，對方笑說：「沒啦！我是說一樣好吃啦！」

原來是在說「原仔 uân-á」，也有人說guân-á、ûn-á、gûn-á，和「猶原」有相同意思。只是說突然聽到，還真像是在說「丸仔 uân-á」，感覺很可愛耶～

以上分享給各位。

衣服『最好的毛料』的台語—môo-hài

https://soundcloud.com/user-566276953/moo-hai

【衣服『最好的毛料』的台語—môo-hài】

最近天氣「無啥會寒」，奇怪？明明天氣大寒，哪會「無啥會寒」？其實是「無衫會寒」，所以開始穿厚衫準備過年，序大看著煞講一句：「哦！你穿這領môo-hài个呢！足燒乎？」

môo-hài？聽序大解釋，是較早形容高級毛料个講法，經過瞭解，原來就是Mohair，日語是モヘア，嘛有人講「毛海」，語源意思就是「上好个毛」，台語若慣勢講môo-hài來形容，有可能是受日語影響，嘛無的確。

以上分享予逐家～

＝＝＝＝＝

最近天氣「無啥會寒」，奇怪？明明有冷氣團，怎麼會「無啥會寒」？其實是「無衫會寒」，所以開始穿厚衣服準備過年，長輩看到卻說了一句：「哦！你穿這件môo-hài的耶！很保暖齁？」

môo-hài？聽長輩解釋，是以前形容高級毛料的講法，經過瞭解，原來就是Mohair，日語是モヘア，也有人說「毛海」，語源意思就是「最好的毛」，台語如果習慣以môo-hài來形容，有可能是受日語影響，也有可能。

以上分享給各位～

發音參考：

咖啡成癮、對某事上癮... 的台語怎麼講？

【咖啡成癮、對某事上癮... 的台語怎麼講？】

「對某事上癮」，台語會用「癮仙哥」來形容，若是欲專門講一个人足興咖啡、足興野球...按呢欲按怎講呢？

譬如講「咖啡成癮」，凡勢會使講是「咖啡癮 ka-pi-giàn」哦？這个「癮」，會使講是「癮仙哥」，嘛會使講是「癮頭」个「癮」。就親像日語咧形容足興野球个人，會講「野球バカ」

仝款，按呢講「野球癮」意思嘛誠合。

除了「咖啡癮」，嘛會使用「咖啡仙」形容，就親像「鴉片仙」按呢，對一種物件已經興甲若仙。

以上分享予逐家～

＝＝＝＝

「對某事上癮」，台語會用「癮仙哥」來形容，如果是要專門說一個人特別著迷咖啡、著迷棒球...這樣要怎麼說呢？

譬如說「咖啡成癮」，或許可以說是「咖啡癮 ka-pi-giàn」哦？這個「癮」，可以說是「癮仙哥」，也可以說是「癮頭」的「癮」。就好比日語在形容著迷於棒球的人，會說「野球バカ」一樣，這時候說「野球癮」意思也很順。

除了「咖啡癮」，也可以用「咖啡仙」形容，就好像「鴉片仙」這樣，對一種事物已經著迷成仙般境界。

以上分享給各位～

過午夜十二點... 的台語怎麼講？

【過午夜十二點... 的台語怎麼講？】

較早若聽故事，講著「過了午夜十二點之後...」內底个「過午夜十二點」台語其實有特別講法，就是「翻點 huan-tiám」喔！「翻點」就是表示時鐘箍一輾，過十二點，通常除了表示「過暝時十二點」以外，嘛會用來形容做代誌做規暝「拚暝工」、「做暗光鳥」，譬如講：「我昨暝寫報告寫到翻點。」若是用佇較早个故事，就是「已經翻點，馬車變倒轉來金瓜模樣矣。」若照這理路，「跨年」除了直翻，凡勢嘛會使講是「翻年」囉？因為迒過新个一年。

以上分享予逐家～

＝＝＝＝

以前如果聽故事，說到「過了午夜十二點之後...」裡面的「過午夜十二點」台語其實有特別說法，就是「翻點 huan-tiám」喔！「翻點」就是表示時鐘繞一圈，過十二點，通常除了表示「過暝時十二點」以外，也會用來形容做事情做整晚「趕夜車」、「當夜貓子」，譬如說：「我昨暝寫報告寫到翻點。」如果是用在以前的故事，就是「已經翻點，馬車變倒轉來金瓜模樣矣。」如果照這邏輯，「跨年」除了直翻，或許也可以說是「翻年」囉？因為跨過新的一年。

以上分享給各位～

註：

迒 hānn：跨過、越過。

抽籤的台語怎麼講？

【抽籤的台語怎麼講？】

「抽籤」个台語怎麼講？其實會使講是「抽鬮 thiu-khau」喔！

若是台語直接講「抽籤 thiu-tshiam」，會想著是佇廟裡拜拜拈香、抽籤解籤詩，彼款「抽籤」。若是欲表示佇紙做記號、抽一張來決定代誌，按呢台語會講「抽鬮」、「抽鬮仔」抑是「拈鬮 liam-khau」，就親像學生時代，有个老師會用「抽鬮」方式決定啥人做班長等等職務。抑是講做兵「抽鬮」，攏是用這「抽鬮」來形容。若是年中尾牙个摸彩，除了會使直翻台語「摸彩 moo-tshái」，口語會直接講「抽獎 thiu-tsióng」。

以上分享予逐家～

＝＝＝＝

「抽籤」的台語怎麼說？其實可以說是「抽鬮 thiu-khau」喔！

若是台語直接說「抽籤 thiu-tshiam」，會想到是在廟裡拜拜上香、抽籤解籤詩，那種「抽籤」。如果是要表示在紙上做記號、抽一張來決定事情，這樣台語會說「抽鬮」、「抽鬮仔」或是「拈鬮 liam-khau」，就好像學生時代，有的老師會用「抽鬮」方式決定誰當班長等職務。或是說當兵「抽籤」，都是用這「抽鬮」來形容。如果是年中尾牙的摸彩，除了可以直翻台語「摸彩 moo-tshái」，口語則會說「抽獎 thiu-tsióng」。

以上分享給各位～

【熬夜的台語】拚暝工

【熬夜的台語—拚暝工】

「熬夜」个台語按怎講？其中一種講法是「拚暝工」哦！
前一站仔看戲看規暝，雄雄想著這詞，較早若是讀冊寫功課規暝，華語會講「開夜車」，台語就會用「拚暝工」來形容。若是「熬夜追劇」凡勢會使講「拚暝工追劇」、「拚暝工看戲」，若單純只是講「追劇」、「最近我在追劇」會使講「最近我咧興佗一齣戲」。
「熬夜」本身閣有其他講法，若「拚暝工」讀冊、追劇予序大看著，通常攏會聽著：「閣咧做暗光鳥矣。」就是會用「暗光鳥」來形容華語咧做「夜貓子」个行為。
以上分享予逐家～

＝＝＝＝

熬夜的台語怎麼講？其中一種說法是「拚暝工」哦！
前陣子熬夜追劇時，突然想到這個詞，以前如果熬夜趕工寫作業或讀書，如果是華語就會說「開夜車」，台語則是會用「拚暝工」來形容。至於「熬夜追劇」或許可以說「拚暝工追劇」或「拚暝工看戲」，如果是單純只是說「追劇」、「最近我在追劇」可以說「最近我咧興佗一齣戲」。
熬夜本身還有其他說法，如果「拚暝工」讀書或追劇被長輩們看到，通常都會聽到：「閣咧做暗光鳥矣。」也就是會用「暗光鳥」來形容華語所謂在當「夜貓子」
的行為。
以上分享給各位～

【翹課的台語】偷走學

【翹課的台語—偷走學】

「翹課」个台語按怎講？會使講「偷走學」哦！

其實除了「偷走學 thau-tsáu-o̍h」，嘛會講「走學」、「偷走書 thau-tsáu-tsu」、「走書」，嘛有人講「偷走課」、「走課」，毋知逐家攏是講佗一種？

哪是按呢，「翹班」敢是會使講「偷走班」？「翹家」敢是會使講「偷走厝」？感覺嘛誠順呢！

＝＝＝＝

「翹課」的台語怎麼說？可以說「偷走學」哦！

其實除了「偷走學 thau-tsáu-o̍h」，也可以說「走學」、「偷走書 thau-tsáu-tsu」、「走書」，也有人說「偷走課」、「走課」，不曉得大家是說一種？

如果這樣，「翹班」是不是可以說「偷走班」？「翹家」是不是可以說「偷走厝」？感覺也滿順的呢！

發音參考：https://soundcloud.com/user-566276953/oqte82h0wnui

【市場交易不熱絡的台語】軟市

【市場交易不熱絡的台語—軟市】

逐家敢有聽過台語「軟市nńg-tshī 」?

譬如市場若接近收擔時，抑是講一條街仔路个市草較無遐理想，就會用「軟市」來形容。譬如講：「今仔个生理有較軟市。」「這附近市草可能有較軟市。」意思攏仝款，就是形容生理毋是蓋「交易ka-ia̍h 」嘛有人會用「花花仔hue-hue--á 」來形容，意思就是生理普通，譬如講：「這站仔生理攏花花仔爾爾。」

「交易ka-ia̍h 」就是「軟市nńg-tshī 」个反義詞，「交易」表示生理真好，就是一般所講「生意興隆」，就會講「真交易」，譬如講：「這地點市草足好，生理真交易。」較簡單講嘛會用「沖沖滾 tshiâng-tshiâng-kún 」來形容，譬如講：「彼間店逐工生理攏沖沖滾。」

以上分享予逐家～

＝＝＝＝

大家有沒有聽過台語「軟市nńg-tshī 」?

譬如市場如果接近收攤，或是說一條路上的商業活動沒那麼理想，就會用「軟市」來形容。譬如說：「今仔个生理有較軟市。」「這附近市草可能有較軟市。」意思都一樣，就是形容生意不是很「交易ka-ia̍h 」也有人會用「花花仔hue-hue--á 」來形容，意思就是生意普通，譬如說：「這站仔生理攏花花仔爾爾。」

「交易ka-ia̍h 」就是「軟市nńg-tshī 」的反義詞，「交易」表示生意很好，就是所謂「生意興隆」，會講「真交易」，譬如說：「這地點市草足好，生理真交易。」比較簡單也用「沖沖滾 tshiâng-tshiâng-kún 」來形容，譬如說：「彼間店逐工生理攏沖沖滾。」

以上分享給大家～

註：

軟市nńg-tshī ：市場交易不熱絡。

市草tshī-tsháu：商業活動狀況。

生理sing-lí ：生意、買賣。

交易 ka-ia̍h ：生意興隆。

沖沖滾 tshiâng-tshiâng-kún：人氣沸騰、熱鬧非凡。

【大眾臉的台語】大色貨面

【大眾臉的台語—大色貨面】

逐家應該攏有聽過「菜市仔名」，若是「大眾臉」，台語欲按怎講？當然會使直接講「大眾面」，但嘛有人講是「大色貨面」。「菜市仔名，大色貨面」，「大色貨 tuā-sik-huè」，意思是主要商品、知名度懸个商品。除了「大色貨面」、「大眾面」，凡勢嘛會使講是「齊齊面」，「齊齊 tsiâu-tsê」就是平均，佇大眾之中，是足普遍个面模仔。

以上分享予逐家～

＝＝＝＝

大家應該都有聽過「菜市仔名」，如果是「大眾臉」，台語會怎麼說呢？當然可以直翻「大眾面」，但也一說是「大色貨面」。「菜市仔名，大色貨面」，「大色貨 tuā-sik-huè」，意思是主要商品、高知名度的商品。除了「大色貨面」、「大眾面」，或許也可以說是「齊齊面」，「齊齊 tsiâu-tsê」就是平均，在大眾裡，是很普遍地臉孔。

以上分享給各位～