甜粅粅的一冬


【甜粅粅的一冬】

就欲到 2019 年,閣來差不多一個月嘛欲舊曆過年,明年就是豬年,祝逐家有「甜粅粅的一冬」~

註:
甜粅粅(tinn-but-but):形容非常甜。

  • Digg
  • Del.icio.us
  • StumbleUpon
  • Reddit
  • RSS

芋仔紙


【芋仔紙】 

「衛生紙」的台語欲按怎講?
會使直翻,嘛有其他講法,譬喻講佇便所用的,就號做「便所紙」,嘛人講「粗紙」,阮家己上佮意的是「芋仔紙」,因為是「種芋仔」所使用的紙,就叫做「芋仔紙」。以前學生時代,逐家就是按呢講~
另外,閣有人講「綿仔紙」,但除了表示是「便所紙」以外,有的人嘛會將伊當做是「面紙」。講到這,阮家己私底下是創作一个新詞,叫「蘋果紙」,一方面是呼應「衛生紙—芋仔紙」,另外一方面是「面紙」較幼,可能是用來拭面、拭目鏡,就親像蘋果表面,遐呢光滑,而且嘛會使想著「蘋果肌」,所以阮私底下攏慣勢將「面紙」叫做「蘋果紙」,嘛較古錐...

====

「衛生紙」的台語要怎麼講?
可以直翻,也有其他講法,譬如說在廁所用的,就叫做「便所紙」,也有人講「粗紙」,我們自己最喜歡的是「芋仔紙」,因為是「種芋頭」所用的紙,就叫做「芋仔紙」。以前學生時代,大家都是這樣講~
另外,還有人說「綿仔紙」,但除了是指「便所紙」之外,有的人也會當做是「面紙」。說到這,我們自己私底下創作一個新詞,叫「蘋果紙」,一方面是呼應「衛生紙—芋仔紙」,另外一方面是「面紙」比較細緻,可能是用來擦臉、擦眼鏡,就像蘋果表面,那麼光滑,而且也可以想到「蘋果肌」,所以我們私底下都習慣將「面紙」叫做「蘋果紙」,也比較可愛...

  • Digg
  • Del.icio.us
  • StumbleUpon
  • Reddit
  • RSS

赤赤 & 傷烙


【赤赤 & 傷烙】 

台南人上愛食虱目魚,假日煎虱目魚的時陣,煎了毋是蓋理想,哈哈...拄好想起這兩个詞—赤赤、傷烙。
魚皮煎甲金噹噹、赤赤赤,食起來就會足酥足紲喙。若煎甲小可臭火焦、按呢就是「傷烙」矣。
煎魚仔閣誠有學問呢...

====

台南人最愛吃虱目魚,假日煎虱目魚,煎的不是很理想,哈哈...正好想起這兩個詞—赤赤、傷烙。
魚皮煎甲金黃、赤赤赤,吃起來就會很酥脆爽口。若煎的有點焦、這樣就是太「烙」了。
煎魚還真有學問呢...

註:
赤赤(tshiah tshiah):煎煮食物使外皮酥脆。
傷烙(sionn-loo):太過於焦味。
紲喙(suà-tshuì):合口味。

  • Digg
  • Del.icio.us
  • StumbleUpon
  • Reddit
  • RSS

貓貓相


【貓貓相】

以前較捷聽講「金金相」,最近聽序大講著「貓貓相」,感覺非常古錐,這應該是今年咱分享著上古錐个詞~
阮兜彼隻巴哥「liōr-tòr」,若看咱食物件,目睭就會「貓貓相」。又閣譬如這幅圖用曖昧圖形个方式,將伊和兔仔畫做伙、鬥成一隻貓仔頭,逐家來貓貓相看覓,攏總有幾隻狗仔、兔仔~

====

以前比較常說「金金相」,最近聽長輩說「貓貓相」,覺得非常可愛,這應該是今天分享到最可愛的詞了。
我們家那隻巴哥「溜逗」,如果看到我們吃東西,眼睛就會「貓貓相」。所以這幅圖才會用錯視圖形的方式,將他和兔子畫一起、組成一個貓貓頭。
大家來「貓貓相」看看,總共有幾隻狗跟兔子~

註:
貓貓相(niau-niau-siòng):注視、專心看的意思。

  • Digg
  • Del.icio.us
  • StumbleUpon
  • Reddit
  • RSS

饞食


【饞食】
 
阮兜彼隻巴哥「liōr-tòr」逐擺食物件攏足雄,尤其是見擺若食林菝仔,袂輸咧枵幾若工,實在是有夠饞食。所以厝內人嘛會叫伊「饞食liōr」,伊若有手,應該是會將林菝仔扲牢牢。
以前細漢聽人講「饞食鬼」,攏想講是「屎食鬼」,枵甲啥物攏食按呢,後來才知是「饞食」,實在是誤會真大呢~

====

我家那隻巴哥「溜逗」每次吃東西都很猛,尤其是每次吃芭樂,好像餓好幾天一樣,實在有夠貪吃。所以家人也會叫他「貪吃溜」,他如果有手,應該是會將芭樂握緊緊的。
以前小時候聽人說「饞食鬼」,都以為是「屎食鬼」,餓到什麼都吃,後來才曉得是「饞食」,實在是誤會真大哩~

註:
liōr-tòr:源於日語「上等」(じょうとう jootoo)
林菝仔(niá-pua̍t-á):台南對芭樂的說法之一,我們家都是講niá-pua̍t-á,原汁原味呈現。
饞食(sâi-tsia̍h):貪吃
扲(gīm):握緊

  • Digg
  • Del.icio.us
  • StumbleUpon
  • Reddit
  • RSS

月圍笠—朦朧的月光


【月圍笠—朦朧的月光】 

中秋欲結束矣,準備上班上課囉~
頂一篇介紹「月暈」的台語講法是「月圍箍」,若是月娘小可予雲閘起來,就會講:「月圍笠」,台灣有一句話講:「月圍笠,予日曝。」意思就是若有這款情形,就會好天。
「笠」就是瓜笠仔的「笠」,親像月娘予瓜笠仔閘起來,小可有光線按呢。古早人的觀察能力,實在是足強呢~

====

中秋要結束囉,準備上班上課囉~
上一篇介紹了「月暈」的台語說法是「月圍箍」,如果月亮稍微被雲遮起來,就會說:「月圍笠」,台灣有一句話說:「月圍笠,予日曝。」意思就是若有這種情形,就會天晴。
「笠」就是斗笠的「笠」,就像月亮被斗笠遮住,稍微有光線。以前人的觀察能力,實在是很強呢~

  • Digg
  • Del.icio.us
  • StumbleUpon
  • Reddit
  • RSS

月圍箍—月暈


【月圍箍—月暈】 

後一站,中秋、中秋節欲到矣,盤車過中秋的旅客,請趕緊落車。
來介紹幾个和月娘有關係的詞,攑頭看月娘,若有「月暈」,台語會講「月圍箍」。台灣有俗語會講:「月圍箍,火燒埔。」意思講若有月圍箍,隔轉工天氣會足燒熱。另外嘛有人講「月圍箍,欲落雨。」,毋知敢是天氣熱到一个程度,就會開始落大雨?
總是這款和天氣有關的俗語,和台語詞仝款,漸漸欲予咱放袂記矣~

====

下一站,中秋、中秋節要到了,轉車過中秋的旅客,請趕緊下車。
來介紹幾個和月亮有關的詞,抬頭看月亮,若有「月暈」,台語會說「月圍箍」。台灣有俗語說:「月圍箍,火燒埔。」意思說若有月圍箍,隔日天氣會很炎熱。另外也有人說「月圍箍,欲落雨。」不曉得是不是天氣熱到一定程度,就會開始下大雨呢?
總而言之,這類和天氣有關的俗語,和台語詞一樣,漸漸要被我們忘記了~

  • Digg
  • Del.icio.us
  • StumbleUpon
  • Reddit
  • RSS

伻 phenn & 偏 phinn



【伻 phenn & 偏 phinn】

台語有一寡詞,對phang phang來講,到這馬有時陣嘛會舞袂清楚,其中有一組詞就是「伻」和「偏」,讀起來欲仝,但意思差真濟。
「偌濟?咱相伻。」朋友做伙食飯,看攏總食偌濟公家出、相伻。
原本講好這頓飯相伻,結果對方假仙,咱只好鼻仔摸摸咧全出,就會使講:「共我偏...」
抑是講,形容一个人,愛佔人便宜,就會使講:「伊足愛共人偏。」

====

台語有一些詞,對phang phang來講,到現在有時也會搞不清楚,其中有一組詞就是「伻」和「偏」,讀起來很像,但意思差很多。
「這樣多少?我們相伻(對分)。」朋友一起吃飯,看總共吃多少錢一起出、對分。
原本講好這頓飯錢對分,結果對方假仙,我們只好鼻子摸摸全出,就可以說:「共我偏(給我佔便宜)...」
或是說,形容一個人,愛佔人便宜,就可以說:「伊足愛共人偏(他很愛佔人便宜)。」

  • Digg
  • Del.icio.us
  • StumbleUpon
  • Reddit
  • RSS

做sa-khú-lah


【做sa-khú-lah】

台語講「做sa-khú-lah」,sa-khú-lah、敢毋是櫻花?按呢「做sa-khú-lah」是啥意思?
若做生理,頭家吩附一寡家己人來假做是人客,按呢遐暗盤就是咧「做sa-khú-lah」,譬如講:「伊是頭家請來做sa-khú-lah的,莫怪看伊表情無啥自然。」
sa-khú-lah對日語サクラ來,漢字寫「偽客」,意思應該嘛誠清楚啦~

====

台語說「做sa-khú-lah」,sa-khú-lah難道不是櫻花嗎?這樣「做sa-khú-lah」是什麼意思呢?
如果做生意,老闆找一些自己人假裝是客人,這樣這些暗盤就是在「做sa-khú-lah」,譬如說:「他是老闆請來做sa-khú-lah的,難怪看他表情不太自然。」
sa-khú-lah從日語サクラ來,漢字寫「偽客」,意思應該也很清楚啦~

  • Digg
  • Del.icio.us
  • StumbleUpon
  • Reddit
  • RSS

煞著頂腹蓋


【煞著頂腹蓋】 

「小鹿亂撞」欲按怎形容?毋是鹿仔烏白挵...是「煞著頂腹蓋」。
「頂腹蓋」就是胸坎,以前攏想講是「頂八卦」,敢會是古早人會結一个八卦袚鍊佇胸坎頭前,所以才號做「頂八卦」?後來才知,腹蓋唸pak-kuà,八卦唸pat-kuà,咬音無仝。
煞著你、煞著你...(唱),心頭縛縛个所在,就是「頂腹蓋」,才會講「煞著頂腹蓋、食飯袂消化」,食袂落嘛睏袂去,就是犯著相思病矣~

====

「小鹿亂撞」要怎麼形容?不是鹿仔黑白撞...是「煞著頂腹蓋」。
「頂腹蓋」就是胸部,以前都想說是「頂八卦」,難道是古代人會戴一個八卦項鍊在胸前,所以才說是「頂八卦」?後來才知道,腹蓋唸pak-kuà,八卦唸pat-kuà,發音無同。
煞著你、煞著你...(唱),心頭緊緊的地方,就是「頂腹蓋」,才會說「煞著頂腹蓋、食飯袂消化」,吃不下睡不著,就是犯了相思病囉~

註:
頂腹蓋(tíng-pak-kuà):胸部。
挵(lòng):撞。
胸坎(hing-khám):胸膛。
袚鍊(phua̍h-liān):項鍊。
縛(pa̍k):捆綁、緊。

  • Digg
  • Del.icio.us
  • StumbleUpon
  • Reddit
  • RSS

犯人欹


【犯人欹】

有一句話講「犯人欹」,意思是「落人的喙」、予人講閒仔話。
以前毋知,攏想講是「徛」、予人「徛」佇頭殼頂,但按呢烏白鬥,嘛甲記起來矣。
後來才知影是這字「欹」,意思完全無仝,是予人「欹空」个「欹」,原來是按呢~

====

有一句話說「犯人欹」,意思是「落人口實」、讓人說閒話。
以前不曉得,還以為是「站立」的「站」、被人「騎在頭上」的意思,但這樣亂拼湊,也就記下來了。
後來才曉得是這個字「欹」,意思完全不同,是被刁難的台語「欹空」的「欹」,原來是這樣~

註:
犯人欹(huān-lâng-khia):被人批評、說閒話。
落人的喙(lo̍h-lâng-ê-tshuì):落人口實。
徛(khiā):站立。
欹空(khia-khang):刁難。

  • Digg
  • Del.icio.us
  • StumbleUpon
  • Reddit
  • RSS

步平&四常


【步平&四常】 

步平(pōo-pîng)→我步平就是慣勢食飯飽,會買一杯涼的。
四常(sù-siông)→飯後買一杯涼的,對台灣人來講,是足四常的。
以上兩種無仝的講法,逐家敢聽過?其實除了講「定定」、「通常」、「平常」、「普通時」以外,閣有這兩種講法。
「步平」,表示「普通時」,佇日常生活的一種慣勢。
「四常」,表示「定定」、「通常」,表達一種足普遍的現象。

====

以上兩種不同的說法,大家是否聽過呢?其實除了說「定定」、「通常」、「平常」、「普通時」以外,還有這兩種說法。
「步平」,表示「平時」,在日常生活的一種習慣。
「四常」,表示「經常」、「平常」,表達一種很普遍的現象。

註:
步平(pōo-pîng):平時
四常(sù-siông):經常
涼的(liâng--ê):冷飲

  • Digg
  • Del.icio.us
  • StumbleUpon
  • Reddit
  • RSS

柴角仔



【柴角仔】 

「海結仔」是西裝頭,「粒結仔」是火氣大、頭殼皮發𤶃仔,若是「柴角仔」咧?
「柴角仔」就是囡仔咧耍的𨑨迌物仔,嘛有人講「柴塊仔」,就是「積木」的意思。
但其實毋但囡仔愛耍爾爾,嘛真濟大人佮意呢~

====

「海結仔」是西裝頭,「粒結仔」是火氣大、頭皮長痘痘,如果是「柴角仔」呢?
「柴角仔」就是小孩在玩的玩具,也有人說「柴塊仔」,就是「積木」的意思。
但其實不只小孩愛玩,也很多大人喜歡唷~

註:
海結仔(hái-kat-á):西裝頭,源於日語ハイカラ。
粒結仔(lia̍p-kat-á):皮膚長一粒粒的痘子或疹子。
柴角仔(tshâ-kak-á):積木。
𤶃仔(thiāu-á):痘痘。
毋但(m̄-nā) :不只。

  • Digg
  • Del.icio.us
  • StumbleUpon
  • Reddit
  • RSS

胳耳空


【胳耳空】

愈簡單个詞,愈歹記起來~逐家敢知影「腋下」个台語按怎講?
以前聽序大講「胳耳空」(kueh-hīnn-khang),想講是「過耳空」,奇怪~是按怎...敢講雙手攑起來有生耳仔?以前攏會講:「雙手攑起來!胳耳空,展出來,甲我聽予清楚!」
後來才知影是「胳」,而且聽外地朋友講起,才知影有足濟種講法,譬喻講「胳下空」(koh-ē-khang)、「胳胴跤」(kueh-lang-kha),尤其是「胳胴跤」,以前攏想講是「過人跤」,因為雙手攑起來,人會使軁過去。(當然毋是按呢,但以前攏按呢記。)
全部講法,我上佮意「胳耳空」,因為對我來講,上有畫面、上古錐。


====

越簡單的詞,越難記起來~大家知道「腋下」的台語嗎?
以前聽長輩說「胳耳空」,想說是「過耳空」,奇怪~是怎樣...難道雙手舉起來有長耳朵?以前都會說:「雙手舉起來!胳耳空,秀出來,給我聽清楚了!」
後來才知道是「胳」,而且聽外地朋友說起,才曉得有很多說法,例如說「胳下空」、「胳胴跤」,尤其是「胳胴跤」,以前都想說是「過人跤」,因為雙手舉起來,人可以鑽過去。(當然不是這樣,但以前都會這樣記。)
全部講法,我最喜歡「胳耳空」,因為對我來說,最有畫面、最可愛。

註:
胳耳空(kueh-hīnn-khang):腋下
耳空(hīnn-khang):耳洞
軁(nǹg):鑽

  • Digg
  • Del.icio.us
  • StumbleUpon
  • Reddit
  • RSS

空殼衫


【空殼衫】

敢有聽過「空殼衫」?
若是穿衫、穿siat-tsuh,內底無閣加穿一領lâi-lín-kut抑是內衫,以前定定聽序大講:「莫穿空殼衫,按呢無好。」
只是,這款熱咻咻个天氣,若會使穿空殼衫,應該較快活~

====

有聽過「空殼衫」嗎?
如果穿衣服、穿襯衫,裡面沒有再多加一件汗衫或是內衣,以前常聽長輩會說:「不要穿空殼衣,這樣不好。」
只是,這種炎熱的天氣,如果可以穿空殼衣,應該會比較舒服囉~

註:
空殼衫(khang-khak-sann):單穿一件衣服,不加內衣。
siat-tsuh:襯衫,源自於シャツ(shatsu)
lâi-lín-kut:汗衫,源自於ランニング(ranningu)

  • Digg
  • Del.icio.us
  • StumbleUpon
  • Reddit
  • RSS

佯生


【佯生】

「裝蒜」个台語,欲按怎講?
以前細漢,差不多下晡時,攏會看一齣連續劇《濟公》,內底這句台詞,「必清,你愈來愈有智慧囉~」實在足好笑、到今都閣會記持。
「裝蒜」个台語會講「佯生」,以前聽著彼句台詞,攏會想著「佯生」,嘛拄好和角色個性有合,誠趣味~

====

「裝蒜」的台語,要怎麼講?
以前小時候,差不多下午時,都會看一齣連續劇《濟公》,裡面這句台詞,「必清,你愈來愈有智慧囉~」實在很好笑、到現在都還記得。
「裝蒜」的台語會說「佯生」,以前聽到這句台詞,都會想到「佯生」,也正好和角色個性有合,很趣味~

註:
佯生(tìnn-tshinn) :裝蒜。

  • Digg
  • Del.icio.us
  • StumbleUpon
  • Reddit
  • RSS

做議量


【做議量】
 
敢有人閣咧耍Candy Crush?以前有一段時間,若無代誌耍Candy Crush刣時間。
台語「做議量」,華語意思是「消遣」个意思。上趣味是,台語「消遣」有甲人戲弄、剾洗个意思。
就親像台語「僥倖」,意思是可憐、遺憾个意思,愛講「存萬幸」才有華語「僥倖」个意思。
講到遮,腦筋親像耍Candy Crush仝款欲拍結去矣~
 
====
 
有人還在玩Candy Crush 嗎?以前有一段時間,沒事情就會玩Candy Crush殺時間。
台語「做議量」,華語意思是「消遣」的意思。最有趣的是,台語「消遣」則是戲弄人、挖苦人的意思。
就像台語「僥倖」,意思是可憐、遺憾的意思,要說「存萬幸」才有華語「僥倖」的意思。
說到這,腦筋像玩Candy Crush一樣快要打結囉~
 
註:
做議量(tsò-gī-niū):消遣、排遣。排解愁悶、消磨時間。
消遣(siau-khián):戲弄、挖苦人。
剾洗(khau-sé):挖苦人。
僥倖(hiau-hīng):可憐、遺憾。
存萬幸(tsûn bān-hīng):存僥倖的心態。

  • Digg
  • Del.icio.us
  • StumbleUpon
  • Reddit
  • RSS

遛扦


【遛扦】

有一擺,聽人講這號做「尖尖」,我想講是佗位尖尖?敢是頭殼尖尖?舞半晡,才知影是指頭仔「遛扦」。
「遛扦」,嘛有人講做「指甲扦」,其實像這款日常生活个詞,顛倒愈想愈趣味~

====

有一次,聽人說這叫「尖尖」,我想說是哪裡尖尖?難道是「頭殼尖尖」?搞半天,才曉得是手指指甲縫翹起的角質。
「遛扦」,也有人說「指甲扦」,其實像這種日常生活的詞,反倒是越想越趣味呢~

註:
遛扦(liù-tshuann):手指指甲縫翹起的角質。

  • Digg
  • Del.icio.us
  • StumbleUpon
  • Reddit
  • RSS

阿母節快樂


【阿母節快樂】

「毋管你離開偌久,阿母永遠等待你轉來。」

阿母節,除了感謝家己个母親,嘛感謝親像母親仝款个這片土地。

  • Digg
  • Del.icio.us
  • StumbleUpon
  • Reddit
  • RSS

一粒便當


【一粒便當】

敢捌聽過「一粒便當」?
有印象以前坐火車、抑是中晝頓欲買便當時,序大攏會講:「愛會記買一粒便當。」
原來,便當嘛會使用「一粒」來計算~

  • Digg
  • Del.icio.us
  • StumbleUpon
  • Reddit
  • RSS

蟳仔車


【蟳仔車】

進前分享工程用的四輪車,今仔欲分享,城市內,逐家應該攏有看過的「拖吊車」。

親像圖面這款,後壁袂輸有蟳仔跤,所以有人會將這款吊車號做「蟳仔車」。另外,有一款會使將車輛吊去車後斗的,有人講是「全吊」。

以上分享予逐家參考,後擺閣會繼續,敬請期待~

註:
蟳仔(tsîm-á):螃蟹。

  • Digg
  • Del.icio.us
  • StumbleUpon
  • Reddit
  • RSS

工程用車--3



【工程用車--3】

繼續來分享,鴨頭仔、鋼牙、怪手、鐵輪。
鴨頭仔(ah-thâu-á),就是怪手頭前鬥「破碎機」,看起來就親像鴨頭仝款。
鋼牙(kǹg-gê),抑是講「大鋼牙」,真正足成喙齒。
怪手(kuài-tshiú),就是「挖土機」。
鐵輪(thih-lián),就是「壓路機」。

  • Digg
  • Del.icio.us
  • StumbleUpon
  • Reddit
  • RSS

工程用車--2


【工程用車--2】

繼續分享工程用車,豬哥仔、山貓、攄仔車。

豬哥仔(ti-ko-á),抑是講「豬哥仔車」,就是「推高機」。趣味的是,「推高機」頭前兩支貨攕仔,就叫做「豬哥牙」。

山貓(suann-niau),就是「鏟土車」,另外一種講法是「削肉」(siah-bah),源自shovel。一般小隻的是「山貓」,大隻的才會講是「削肉」,但嘛無一定,有時陣是慣勢。

攄仔車(lu-á-tshia),抑是講「攄仔」,就是「推土車」的意思。

  • Digg
  • Del.icio.us
  • StumbleUpon
  • Reddit
  • RSS

清明.培墓



【清明.培墓】

清明愛培墓,佇這日,台灣風俗會食潤餅𩛩,嘛會食草仔粿。和肉粽仝款,每一家所攢的料攏無仝款。
培墓了後,親情五十,攏會鬥分,這日若銷無了,就會冰起來,另回欲食時,稍煎𥍉仔,就會足好食,嘛是另外一種感覺。
這種方式,和過年食甜粿仝款,開始是食炊的、加出來就是用煎的,這嘛是一種料理、兩種食法的精神。

====

清明要掃墓,在這天,台灣風俗會吃潤餅,也會吃草仔粿。和肉粽一樣,每一個家庭所準備的料都不一樣。
掃墓過後,親戚之間,都會分享這些食物,這天若吃不完,就會冰起來,下次要再吃的時候,稍微煎一下,就會很好吃,也是另外一種感覺。
這種方式,和過年吃年糕一樣,開始是用蒸的、多出來就是用煎的,這也是一種料理、兩種吃法的精神。

  • Digg
  • Del.icio.us
  • StumbleUpon
  • Reddit
  • RSS

工程用車--1


【工程用車--1】 

分享三種日常生活定看著的工程用車,秤仔車、鴨母車、干樂。

秤仔車(tshìn-á-tshia),是「吊卡車」,秤仔本身就是秤重的工具。鴨母車(ah-bó-tshia)是「水泥泵浦車」,另外鴨母車嘛會用來稱呼「偉士牌」。

上趣味的是,「干樂」(kan-lo̍k),是「水泥車」,干樂是「陀螺」的意思,因為後壁彼粒看起來親像干樂仝款。另外一種講法是直接講「拉媽控」(na-ma-khòng),抑是「拉媽控車」,na-ma-khòng是源自日語「生コン」(namakon)。

閣有足濟詞,會繼續分享落去~

  • Digg
  • Del.icio.us
  • StumbleUpon
  • Reddit
  • RSS

刮之枋


【刮之枋】 

「撲克牌」的台語號做「刮之枋」(khe-tsi-pang),這字是源自日語「掲示板」,因為較早有一款牌仔耍法號做「掲示板.ストップ」(Keijiban.Sutoppu),非常實行,久了後,逐家就慣勢用「刮之枋」來表示「撲克牌」的意思。 

「掲示板.ストップ」耍法:

牌面是,A上大、2上小,其它照數字排。會駛加入鬼仔牌,若有加入鬼仔,則是鬼仔上大。大鬼上大、小鬼第二,嘛會使做萬用牌。


1. 頭起先,每一位手頭攏分五張牌,賰的牌全疊佇中央。


2. 中央彼疊牌仔,抽一張,決定花色,譬如講是梅花五。


3. 閣來,先出牌的,必須嘛出梅花,但不限數字。這時,別人就愛開始出仝花色,開始比牌面大小,所以就算牌面比梅花五小,嘛是愛出牌。


4. 若手頭無仝花色的牌,就必須開始提中央疊的牌,一直提到有同樣花色為止。


5. 一輪了後,檯面上數字上大的,會駛決定後一輪的花色。


6. 直直輪落去,一直到手頭拍出尾仔第二張牌、賰最後一張牌時,就愛大聲講:「刮之枋!」


7. 這時,別人就愛開始避免拍出仝花色的牌。譬如講彼位喊:「刮之枋!」的拍出紅心三,按呢你拍出紅心A抑是鬼仔,就會駛換你來出決定花色的牌。若運氣無好,你手頭只有紅心四,抑是其它數字,按呢對方後一張牌嘛是仝花色,按呢伊就贏矣。


8. 順利拍出最後一張牌仔,就會使大聲講:「ストップ!」(Sutoppu)

  • Digg
  • Del.icio.us
  • StumbleUpon
  • Reddit
  • RSS

三月花開時


【三月花開時】

春天是花開時節,生活範圍附近,拄仔好有這三種花:南洋櫻花、斑芝花、炮仔花。
三月時,開了當媠,賞花正當時~

註:
南洋櫻花(Lâm-iûnn ing-hue ):羊蹄甲
斑芝花(pan-tsi-hue):木棉花
炮仔花(phàu-á-hue):炮仗花

  • Digg
  • Del.icio.us
  • StumbleUpon
  • Reddit
  • RSS

正義勇氣


【正義勇氣】

毋通袂記... 歷史上的今仔日,正義佮勇氣,湯德章。

  • Digg
  • Del.icio.us
  • StumbleUpon
  • Reddit
  • RSS

愛睏神


【愛睏神】 

若是講睏甲毋知人、直直睏,就會形容袂輸食著「愛睏藥仔」仝款。若是過了睏眠時間、顛倒睏袂去,就會用「愛睏神過去矣」、「愛睏神走矣」來形容。
看這尊「愛睏神」睏眠,敢若誠好睏、睏甲鼾鼾叫呢...

====

若是熟睡到不行,就會形容好像吃到「愛睏藥仔」一樣。若是過了睡眠時間、反而睡不著,就會用「愛睏神離開了」、「愛睏神走了」來形容。
看這尊「愛睏神」睡覺,好像很好睡、睡到呼呼叫呢...

註:
鼾(kônn):打呼聲。

  • Digg
  • Del.icio.us
  • StumbleUpon
  • Reddit
  • RSS

19470308


【19470308】

19470308,歷史上的今仔日,是基隆大屠殺。
最近看一本冊,號做《勿忘臺灣 落花夢》,感慨誠深,千言萬語的感想,若用一句話來表示就是:「台灣莫閣向望別人,咱只會使靠家己。」

==== 

19470308,歷史上的今天,是基隆大屠殺。
最近看一本書,名為《勿忘臺灣 落花夢》,感慨很深,千言萬語的感想,若用一句話來表示就是:「台灣不要再寄望別人,我們只能靠自己。」

  • Digg
  • Del.icio.us
  • StumbleUpon
  • Reddit
  • RSS

無頭神


【無頭神】

這尊神,號做「無頭神」,意思是記持䆀、無好。
有一款講法是「無頭蠅」,嘛捌聽過一句孽譎仔話「土地公斬頭—無頭神」,毋管是「神」抑是「胡蠅」,較有頭神淡薄較有影。
另外,客話嘛是「無頭神」,發音是mo11 teu11 siin11,以上分享予逐家。

====

這尊神,稱為「無頭神」,意思是記憶差、不好。
有一種說法是「無頭蠅」,也曾聽過一句歇後語「土地公斬頭—無頭神」,無論是「神」還是「蒼蠅」,記憶力集中點才是真的。
另外,客語也是「無頭神」,發音是mo11 teu11 siin11,以上分享給大家。

註:
無頭神(bô-thâu-sîn):健忘、沒記性。
孽譎仔話(gia̍t-khiat-á-uē):歇後語。
胡蠅(hôo-sîn):蒼蠅。

  • Digg
  • Del.icio.us
  • StumbleUpon
  • Reddit
  • RSS

好笑神


【好笑神】 

台語內底有足濟「神」,其中有一尊號做「好笑神」,若有人定定看起來笑頭笑面,就會使用「好笑神」來形容,譬喻講:「伊看起來誠好笑神。」
其實閣有其它「神」,後擺會繼續分享予逐家~

====

台語內有很多「神」,其中有一尊叫做「好笑神」,如果有人常看起來笑口常開的,就可以用「好笑神」來形容,譬如說:「他看起來很好笑神。」
其實還有其它「神」,以後會繼續跟大家分享~

註:
好笑神(hó-tshiò-sîn):神態愉悅,面帶笑容。

  • Digg
  • Del.icio.us
  • StumbleUpon
  • Reddit
  • RSS

鹽花仔


【鹽花仔】

天氣寒,特別煮麻油卵湯,這是囡仔時代,序大就攏會按呢料理的煮法,嘛有特別教講欲按怎煮。
攢薑絲、麻油,文火慢炒,水滾了後下卵,按呢差不多就好矣。
啉一喙,奇怪、哪會減一味?原來是袂記得下寡鹽花仔,無就準拄煞,無鹽花仔嘛有無仝款的氣味,顛倒感受著麻油芳味。
想起,舊年有一篇新聞,拄好講起這麻油卵湯,煮法小可無仝,但攏是延續親情的溫暖氣味。


====

天氣冷,特別煮麻油蛋湯,小時候,長輩就都會這樣料理的煮法,也有特別教說該怎麼煮。
準備薑絲、麻油,小火慢炒,水滾之後放蛋,這樣差不多就好了。
喝一口,奇怪、怎麼少一味?原來是忘了放點鹽,想想就算了,沒放鹽也有不一樣的味道,反而感受到麻油香味。
想起,去年有一篇新聞,正好說到這麻油蛋湯,煮法有點不同,但都是延續親情的溫暖味道。

註:
日本網友做這道台灣料理 稱:父親留下的味道
http://news.ltn.com.tw/news/life/breakingnews/2228883
攢(tshuân):張羅、準備。
鹽花仔(iâm-hue-á):少量鹽巴。

  • Digg
  • Del.icio.us
  • StumbleUpon
  • Reddit
  • RSS

霧霾


【霧霾】

頂禮拜透早,發現天罩雺霧,想講是自然現象,感覺無啥要緊。但總感覺著身軀黏黏沙沙,後來才知原來是霧霾(bū-bâi),莫怪空氣品質無啥理想。
目睭有法度看會著的,有「坱埃」、「塗沙粉仔」、「風飛沙」,塗粉粒仔大細無仝,雺霧程度嘛無仝。講著「坱埃」就會想起一條香港歌曲〈煙霞〉,感覺發音小可欲仝欲仝。廣東話「煙霞」意思嘛是天罩雺霧、看袂清明,彼塊歌歌詞就是透過「煙霞」來形容感情之間的曖昧(ài-māi)。
人講「雺開才會好天」,雺霧開、天氣才會好,人和人之間的感情嘛是仝道理。

====

上禮拜早上,發現天空霧茫茫,想說是自然現象,覺得沒什麼。但總覺得身體黏黏沙沙的,後來才曉得是霧霾,難怪空氣品質不太理想。
眼睛有辦法看到的,有「坱埃」、「塗沙粉仔」、「風飛沙」,粉塵顆粒大小不同,霧茫茫程度也不同。說到「坱埃」就會想起一首香港歌曲〈煙霞〉,感覺發音還有點接近。廣東話「煙霞」意思也是天空霧茫茫、看不清明,那首歌歌詞便是透過「煙霞」來形容感情之間的曖昧。
人說「霧開才會好天」,人和人之間的感情也是同樣道理吧?

註:
坱埃(ing-ia):灰塵、形容塵土飛揚。
塗沙粉仔(thôo-sua-hún-á):灰塵。
風飛沙(hong-pue-sua):飛沙、被風吹動的砂土。
雺霧(bông-bū):霧。

  • Digg
  • Del.icio.us
  • StumbleUpon
  • Reddit
  • RSS

日鬚


【日鬚】

日語講「木漏れ日」,意思是日頭對樹枝、樹葉仔之間,軁縫、照射出來的光影。
台語的講法是「日鬚」(ji̍t-tshiu),就親像日頭的喙鬚仝款,對天頂、樹枝之間垂落來,照射佇這塊土地。

====

日語說「木漏れ日」,意思是太陽從樹枝、樹葉之間,鑽洞、照射出來的光影。
台語的說法是「日鬚」,就像太陽的鬍鬚一樣,從天空、樹枝之間垂降,照射在這片土地。

  • Digg
  • Del.icio.us
  • StumbleUpon
  • Reddit
  • RSS

冷吱吱


【冷吱吱】

這幾日溫度變化,就親像這幅圖的變化仝款,明明有日頭,嘛是寒到咇咇顫呢...愛會記持加疊幾領衫喔~

====

這幾天溫度變化,就像這張圖的變化一樣,明明有太陽,但還是冷到發抖呢...愛記得多穿點衣服喔~

註:
咇咇顫(phi̍h-phi̍h-tsùn):因冷或害怕而發抖。
交懍恂(ka-líng-sún):吃到酸的或因冷而發抖。
冷吱吱(líng-ki-ki):冷冰冰。
「冫彥」(gàn):凍、冰冷。

  • Digg
  • Del.icio.us
  • StumbleUpon
  • Reddit
  • RSS