足久無分享矣，最近過了好無？今仔欲分享...

「挖洞給人跳、設陷阱」个台語按怎講？

當然會使講直接講「挖空予人跳」、「設陷阱」，抑是講「創空」、「變鬼變空」，台語閣有另外一款講法是「縛枝骨仔」。較早个人若是欲設陷阱，會佇塗跤挖空，頂懸會抾樹枝骨仔縛縛咧、將挖好个空崁起來，按呢就是標準个「挖洞予人跳」矣。後來「縛枝骨仔」就演變成「設局」、「有陰謀欲害人」个意思。

以上分享予逐家～

 

＝＝＝＝

 

很久沒分享了，最近好嗎？今天要分享...

「挖洞給人跳、設陷阱」的台語怎麼講？

當然可以講直接說「挖空予人跳」、「設陷阱」，或是說「創空」、「變鬼變空」，台語還有另外一種說法是「縛枝骨仔」。以前的人如果要設陷阱，會在地面挖洞，上面會撿樹枝木頭綁一綁、將挖好的洞蓋起來，這樣就是標準的「挖洞給人跳」了。後來「縛枝骨仔」就演變成「設局」、「有陰謀要害人」的意思。

以上分享給各位～

 

發音參考：https://soundcloud.com/user-566276953/u8uaslk7c7vm

 

註：

縛（pa̍k）：綁

 

「過於甜膩、死甜」个台語按怎講？台語講法是「滓甜」。

「滓甜 tái-tinn」嘛有人講「餲滓甜」，這个「餲」就親像「臭油餲 tshàu-iû-ai」个「餲」，是用來形容反味，「滓」是物件傷洘，就會講「濁滓 lô tái 」，若是「茶垢」就是「茶滓 tê-tái」。所以「滓甜」、「餲滓甜」就是咧講傷過頭甜、食了感覺會刮嚨喉，毋是清甜个氣味。

其他講法閣有：死滓甜、嘔利甜、利甜，「利甜」有可能是「滓甜」个訛音，以上分享予逐家～

 

＝＝＝＝

 

「過於甜膩、死甜」的台語怎麼說？台語說法是「滓甜」。

「滓甜 tái-tinn」也有人說「餲滓甜」，這個「餲」就好比「臭油餲 tshàu-iû-ai」的「餲」，是用來形容走味，「滓」是東西混濁，就會說「濁滓 lô tái 」，若是「茶垢」就是「茶滓 tê-tái」。所以「滓甜」、「餲滓甜」就是形容太過於甜膩、吃了感覺會刮喉嚨，不是清甜的味道。

其他說法還有：死滓甜、嘔利甜、利甜，「利甜」有可能是「滓甜」的訛音，以上分享給各位～

 

發音參考：

「守財奴」台語按怎講？其實會使講是「錢貫」哦！

「錢貫 tsînn-kǹg」就是古早人將錢講做「孔方兄」，中央有一孔，用索仔串做一貫，所以號做「錢貫」。尾仔就用「錢貫」來形容一个人是守財奴，譬如講：「攝屎攝尿做錢貫。」攝屎攝尿，嘛會使講「真攝屎」，就是形容人真喀質，「喀質 khé-tshih」語源日語けち，攏是形容凍霜个意思。

台語其他講法閣有「錢嫂」，其實是對「錢鎖」來个，意思是將錢鎖起來，因為音和「錢嫂」欲仝，尾仔閣演變有「錢伯」、「錢姆」等等講法。

以上是和錢貫有關个講法，分享予逐家～

＝＝＝＝

 

「守財奴」台語怎麼說？其實可以說是「錢貫」哦！

「錢貫 tsînn-kǹg」就是以前的人將錢說成「孔方兄」，中間有一孔，用繩成串，所以稱為「錢貫」。後來就用「錢貫」來形容一個人是守財奴，譬如說：「攝屎攝尿做錢貫。」攝屎攝尿，也能說「真攝屎」，就是形容人真喀質，「喀質 khé-tshih」語源日語けち，都是形容小氣的意思。

台語其他說法還有「錢嫂」，其實是從「錢鎖」來的，意思是將錢鎖起來，因為音近似「錢嫂」，後來還演變有「錢伯」、「錢姆」等說法。

以上是和錢貫有關的說法，分享給各位～

註：《台語原來是這樣2》有收錄整理一寡有關好額人个台語講法，有興趣會使參考哦！

「平起平坐」台語按怎講呢？

台語會講「平坐徛 pênn-tsē-khiā」，譬如：「若講著專業這方面，伊已經會使和一寡先輩平坐徛矣。」另外一款講法「比並 pí-phīng」，意思是會使同齊比較，譬如：「經過這幾冬拍拚，伊已經有法度和一寡先輩比並矣。」

以上分享予逐家～ 

＝＝＝＝

 

「平起平坐」的台語怎麼說呢？

台語會說「平坐徛 pênn-tsē-khiā」，譬如：「若講著專業這方面，伊已經會使和一寡先輩平坐徛矣。」另外一種說法「比並 pí-phīng」，意思是可放在一起比較，譬如：「經過這幾冬拍拚，伊已經有法度和一寡先輩比並矣。」

以上分享給各位～

 

參考發音：https://soundcloud.com/user-566276953/ukfw2y9bk71y

逐家敢捌聽過「囝甘 kiánn-kam」？

意思就是形容父母疼惜囝兒个心，譬如會講：「伊嘛是真囝甘，逐項代誌攏先替囡仔處理好勢。」若照這馬个講法，有个人就會刁工詼這款父母「對囡仔真有孝」，台語除了講「囝甘」，嘛會講「著囝甘」，譬如講：「你家己身體就強欲顧袂好勢矣，閣咧煩惱大人大種个囡仔有食飽無，真正是著囝甘。」

若對待「毛小孩」仝款足疼入心，毋知敢會使直翻為「毛囝甘」？逐家感覺呢？

＝＝＝＝

 

大家是否聽過「囝甘 kiánn-kam」？

意思就是形容父母疼惜子女的心，譬如會說：「伊嘛是真囝甘，逐項代誌攏先替囡仔處理好勢。」如果照現在的說法，有的人就會故意虧這種父母「對子女真孝順」，台語除了說「囝甘」，也會說「著囝甘」，譬如講：「你家己身體就強欲顧袂好勢矣，閣咧煩惱大人大種个囡仔有食飽無，真正是著囝甘。」

如果對待「毛小孩」一樣很疼惜，不曉得能不能直翻為「毛囝甘」？大家覺得呢？

 

「搭訕」个台語按怎講？

一般若想著「搭訕」，會直覺想著「奅姼仔 Phānn tshit-á」抑是「詼姼仔 khue-tshit-á」，這一般攏是用佇形容「欲熟似查某」个行為。若是欲用佇較大範圍个「搭訕」按怎講呢？譬如講佇路裡予人「搭訕」，嘛無一定是欲熟似查某，譬如講查埔欲熟似查埔，抑是查某想欲主動去熟似人，嘛有可能是欲推銷物件、拉生理爾爾，若按呢凡勢會使講是「觸纏 tak-tînn」喔！

「觸纏 tak-tînn」原本意思是麻煩、膏膏纏，譬如講：「拄著這款代誌，有影是真觸纏。」感覺若是用來表示「搭訕」嘛誠合，會使按呢用：「佇路裡予人觸纏，實在足歹拒絕。」

以上分享予逐家～

 

＝＝＝＝

 

「搭訕」的台語怎麼說？

一般如果想到「搭訕」，會直覺想到「奅姼仔 Phānn tshit-á」或是「詼姼仔 khue-tshit-á」，這一般都是用在形容「要認識女生」的行為。如果是要用在較大範圍的「搭訕」怎麼說呢？譬如講在路上被人「搭訕」，也不一定是要認識女生，譬如說男生要認識男生，或是女生想主動去認識人，也有可能是要推銷東西、拉生意而已，如果是這樣或許可以說是「觸纏 tak-tînn」喔！

「觸纏 tak-tînn」原本意思是麻煩、膏膏纏，譬如說：「拄著這款代誌，有影是真觸纏。」感覺如果是用來表示「搭訕」也很順，可以這樣用：「佇路裡予人觸纏，實在足歹拒絕。」

以上分享給各位～

發音參考：

「孤注一擲、放手一搏」个台語按怎講？

台語會講「拚白虎湯」，若照這馬个理路就是「下猛藥」，譬如講：「都已經變無步矣，欲來拚白虎湯囉！」白虎湯，是形容姑不而將才會用个一帖藥仔，嘛會講是「尾帖藥仔」、「尾帖藥」。講著以藥仔來形容个詞，閣有「紅色藥包仔」，若是講人「袂記得拆紅色藥包仔來食」意思就是講人頭腦無啥清楚，「紅色藥包仔」就是退燒藥仔，所以才會有這款形容。

若規句鬥起來，就會使按呢講：「你是袂記得拆紅色藥包仔來食呢？遮呢緊就欲放棄矣？上尾帖藥仔、白虎湯來共拚落去！」以上分享予逐家～

＝＝＝＝

 

「孤注一擲、放手一搏」的台語怎麼說？

台語會說「拚白虎湯」，如果照現在的邏輯就是「下猛藥」，譬如說：「都已經變無步矣，欲來拚白虎湯囉！」白虎湯，是形容無可奈何才會用的一帖藥，也會說是「尾帖藥仔」、「尾帖藥」。講到以藥來形容的詞，還有「紅色藥包仔」，如果說到人「袂記得拆紅色藥包仔來食」意思就在說一個人頭腦不太清楚，「紅色藥包仔」就是退燒藥仔，所以才會有這種形容。

如果整句串起來，可以這樣說：「你是袂記得拆紅色藥包仔來食呢？遮呢緊就欲放棄矣？上尾帖藥仔、白虎湯來共拚落去！」以上分享給大家～

「勞心傷神、極度煩惱」个台語按怎講？

一千欠兩百，操心八百。頭一擺聽著這詞，真正會掠準是「操心八百」，後來才知影原來是「擘腹」，「擘」就是將物件分開，譬如上捷用就是「擘柑仔」，按呢用佇這句，就是煩惱甲強欲將腹腸擘開，真正是有夠煩惱。

另外有關「腹」个詞，台語有講「走腹 tsáu-pak」，毋是咧講特別煩惱，意思是「落屎」，就是「走便所」；「牢腹 tiâu-pak」就是講吸收了真好，會使用佇腹肚營養吸收，嘛會使用佇形容學習吸收；「反腹 píng-pak」就是感覺胃慒慒想欲吐。

其他有關煩惱、厚操煩个詞，閣有「慒心 tso-sim」、「心慒慒」，「慒」就是煩亂，譬如講「心肝頭感覺真慒」、「真慒心」，以上分享予逐家。

 

＝＝＝＝

 

「勞心傷神、極度煩惱」的台語怎麼說？

一千欠兩百，操心八百。第一次聽到這詞，真的會以為是「操心八百」，後來才知道原來是「擘腹」，「擘」就是將東西剝開，譬如最常用的「擘柑仔」，這樣用在這句，就是煩惱到快要將肚子扯開，真是有夠煩惱。

另外有關「腹」的詞，台語有說「走腹 tsáu-pak」，不是在說特別煩惱，意思是「落屎」，就是「跑廁所」；「牢腹 tiâu-pak」就是說吸收很好，可以用在肚子營養吸收，也能用在形容學習吸收；「反腹 píng-pak」就是感覺胃不舒服想要吐。

其他有關煩惱、厚操煩个詞，還有「慒心 tso-sim」、「心慒慒」，「慒」就是不順、混亂，譬如說「心肝頭感覺真慒」、「真慒心」，以上分享給各位。

 

發音參考：https://soundcloud.com/user-566276953/ubxbcclen4ex

「慷慨、樂於分享」个台語按怎講？

除了講「慷慨 khóng-khài」、「大出手 tuā-tshut-tshiú」、「冇手 phànn-tshiú」以外，台語嘛會用「分張 pun-tionn」這詞，譬如會按呢講：「伊實在足分張--ê」若欲加強語氣，就是講：「伊實在足有分張--ê」。倒反來講，若是講人「無分張」、「足無分張--ê」就是講這个人實在真攝屎、真凍霜，嘛會使講是真「khe-tsit」，「khe-tsit」是台語中个日語 けち，就是講一个人「無分張」。

查教典，內底收錄「分張」主要是形容囡仔慷慨，但若照阮兜使用个經驗，這句「真有分張」抑是「真無分張」並無分大人囡仔，甚至嘛會用來形容厝內个動物伴，以上分享予逐家參考看覓～

 

＝＝＝＝

 

「慷慨、樂於分享」的台語怎麼說？

除了說「慷慨 khóng-khài」、「大出手 tuā-tshut-tshiú」、「冇手 phànn-tshiú」以外，台語也會用「分張 pun-tionn」這詞，譬如會這樣說：「伊實在足分張--ê」如果要加強語氣，就會說：「伊實在足有分張--ê」。反過來說，如果形容人「無分張」、「足無分張--ê」就是指這人實在真攝屎、真凍霜，也可以說很「khe-tsit」，「khe-tsit」是台語中的日語 けち，就是在說一個人「無分張」。

查教典，裡面收錄了「分張」主要是形容小孩子慷慨，但如果照我們家裡使用的經驗，這句「真有分張」或是「真無分張」並無有區別大人小孩，甚至也能用來形容家裡的寵物，以上分享給逐家參考看看～

註：一般的發音為 pun-tiunn，台南腔為 pun-tionn

鳩占鵲巢个台語，會使講「鵁鴒順便空 ka-līng sūn piān khang」嘛有「鵁鴒占便空」這款講法。

鵁鴒（ka-līng）就是「八哥」這款鳥仔，袂像其他鳥仔仝款做較幼路个岫，伊特別會揣便个空來做岫，愛這款輕鬆步、貧惰步，所以這句話嘛會用來形容共人偏。

另外，因為鵁鴒會小可學人講話，所以有一句激骨話「鵁鴒講話—綴人話尾」，人講啥、就學人講啥，序大攏會繼續講「學人無𠢕，攑棍仔揬嚨喉」，就會用來形容親像這款綴人話尾个鵁鴒。以上分享予逐家參考看覓～

 

＝＝＝＝

 

鳩占鵲巢的台語，可以說「鵁鴒順便空」也有「鵁鴒占便空」這種說法。

鵁鴒（ka-līng）就是「八哥」這種鳥類，不像其他鳥類一樣製作比較精美的巢，他特別會找已經好的洞來當巢穴，喜歡這種懶人抄捷徑的方式，所以這句話也會用來形容佔人便宜。

另外，因為鵁鴒會稍微學人講話，所以有一句歇後語「鵁鴒講話—綴人話尾」，人說什麼、就學人說話，長輩都會接著說「學人無𠢕，攑棍仔揬嚨喉」，意指學人沒什麼利害的，真該用木棒戳戳喉嚨停止這種行為，用來形容像這種學人話尾的鵁鴒。以上分享給大家參考看看～

有時陣一齣戲，攏會有足內行个觀眾，這款觀眾，台語會講「戲虎」。

「戲虎」是歌仔戲个僻話（phiah-uē），用來形容內行个觀眾，對劇情抑是口白攏足了解，若有佗位出箠（tshut-tshê），就會連鞭知影、提出指教，若用這馬个講法，差不多就是「魔人」囉！

頭一擺知影這个詞，就思考，毋知影除了用佇戲齣，敢會使嘛用佇所有節目？譬如講歌唱抑是hip-hop个唸歌手足內行个觀眾，是愛另外講「歌虎」？若是對運動比賽、球賽，是愛講「球虎」？抑是仝款講「戲虎」嘛會使？

阮是感覺，應該會使全部攏用「戲虎」來表示這款內行人，感覺嘛誠順呢～

 

====

 

有時候一齣戲，都會有很內行的觀眾，這種觀眾，台語會說「戲虎」。

「戲虎」是歌仔戲的行話，用來形容內行的觀眾，對劇情或是口白都很瞭解，如果有哪出錯，就會馬上知道、提出指正，如果用現今的說法，差不多就是「魔人」囉！

第一次知道這詞，就思考，不曉得除了用在一齣戲，是否可以用在所有節目？譬如說唱歌或是嘻哈饒舌很內行的觀眾，是要另外說「歌虎」？如果是運動比賽、球賽，是要說「球虎」？還是一樣說「戲虎」都可以哩？

我們是覺得，應該可以都用「戲虎」來表示這種內行人，感覺也滿順的哦～

FreeStyle个台語，會使按怎講？凡勢會使講是「做活戲」喔！

最近咧迷〈大嘻哈時代2〉，內底有个選手表演到一半若袂記得歌詞，就會開始FreeStyle，阮就咧想，用台語欲按怎形容FreeStyle？譬如講欲按怎解釋予序大瞭解？想著歌仔戲有一个詞「做活戲」，意思是無劇本，臨時變巧演出發揮。
若按呢，「做活戲」是表示無劇本个搬戲，若唱歌、唸歌敢是就愛改成「做活歌」？拄好節目內底一位評審講一句話阮感覺真好，意思差不多是按呢：「只要上臺，就算講袂記得歌詞，用演个嘛愛將表演演予煞。」這句話實在足好，感覺就和「做活戲」个精神欲仝，所以凡勢不管是啥物款个FreeStyle，攏會使用「做活戲」來表達喔？

 

＝＝＝＝

 

FreeStyle的台語，可以怎麼說呢？或許可以說是「做活戲」喔！

最近在迷〈大嘻哈時代2〉，裡面有些選手表演到一半如果忘記歌詞，就會開始FreeStyle，我們就在想，用台語要怎麼形容FreeStyle？譬如要如何解釋給長輩瞭解？想到歌仔戲有一個詞「做活戲」，意思是沒劇本，臨時即興演出發揮。
如果是這樣，「做活戲」是表示無劇本的演出，但若是唱歌、饒舌是否就得改成「唱活歌」呢？正好節目裡一位評審說了句話，我們覺得真好，意思差不多是這樣：「只要上臺，就算忘記了歌詞，即使用演的也要將表演演完。」這句話實在很好，感覺就和「做活戲」的精神差不多，所以或許不管是什麼形式的FreeStyle，都可以用「做活戲」來表達哦？

你敢知影，我足愛你？

愛甲想欲將你勼細細

隨身紮佇身邊

你敢知影，我足愛你？

愛甲想欲將你攬牢牢

互相交換記持

你敢知影，我足愛你？

愛甲只會對你橫霸霸

袂驚你會受氣

你敢知影，我足愛你？

愛甲願意將心褫開開

為你遮日頭交雨水

我知。



 

講講：https://soundcloud.com/user-566276953/gavbtgqwzpxl




勼（kiu）：縮小、收縮。


褫（thí）：張開、展開。

「撞衫」个台語按怎講？凡勢會使講是「仝衫」哦！

「撞衫」本身是對英語來个，有一款講法是，廣東話將 dress same 音譯做「撞衫」，最後華語就直接講「撞衫」。若按呢，台語欲按怎講呢？


一般口語會講「敢若穿制服」，但是若欲想一个較正式个名詞，凡勢會使講是「仝衫 kāng-sann」，因為台語形容兩个人面模仔生做真仝，會講「生做足仝面」，兩種物件真相像，會講「欲仝欲仝」，所以若照這理路，兩个人所穿插个衫欲仝欲仝，講「仝衫」嘛是誠順囉！
以上分享予逐家～





＝＝＝＝

 



「撞衫」的台語怎麼說呢？或許可以說是「仝衫」哦！

「撞衫」本身是從英語來的，有一種說法是，廣東話將 dress same 音譯為「撞衫」，最後華語就直接說「撞衫」。那麼，台語該怎麼說呢？


一般口語會說「敢若穿制服」，不過若要想一個比較正式的名詞，或許可以說是「仝衫 kāng-sann」，因為台語形容兩個人面容長得很像似，會說「生做足仝面」，兩種東西真類似，會說「欲仝欲仝」，所以如果照此邏輯，兩個人所穿的衣服雷同，說「仝衫」也是頗順囉！
以上分享給各位～

逐家个硩年錢敢攏領矣？明仔初二，繼續行春拜年閣有機會！兔抵大發～

二九暝就欲到矣～ 先祝... 兔袋大發（土地大發）