刮之枋

【刮之枋】　

「撲克牌」的台語號做「刮之枋」（khe-tsi-pang），這字是源自日語「掲示板」，因為較早有一款牌仔耍法號做「掲示板．ストップ」（Keijiban．Sutoppu），非常實行，久了後，逐家就慣勢用「刮之枋」來表示「撲克牌」的意思。　

「掲示板．ストップ」耍法：

牌面是，A上大、2上小，其它照數字排。會駛加入鬼仔牌，若有加入鬼仔，則是鬼仔上大。大鬼上大、小鬼第二，嘛會使做萬用牌。

1. 頭起先，每一位手頭攏分五張牌，賰的牌全疊佇中央。

2. 中央彼疊牌仔，抽一張，決定花色，譬如講是梅花五。

3. 閣來，先出牌的，必須嘛出梅花，但不限數字。這時，別人就愛開始出仝花色，開始比牌面大小，所以就算牌面比梅花五小，嘛是愛出牌。

4. 若手頭無仝花色的牌，就必須開始提中央疊的牌，一直提到有同樣花色為止。

5. 一輪了後，檯面上數字上大的，會駛決定後一輪的花色。

6. 直直輪落去，一直到手頭拍出尾仔第二張牌、賰最後一張牌時，就愛大聲講：「刮之枋！」

7. 這時，別人就愛開始避免拍出仝花色的牌。譬如講彼位喊：「刮之枋！」的拍出紅心三，按呢你拍出紅心A抑是鬼仔，就會駛換你來出決定花色的牌。若運氣無好，你手頭只有紅心四，抑是其它數字，按呢對方後一張牌嘛是仝花色，按呢伊就贏矣。

8. 順利拍出最後一張牌仔，就會使大聲講：「ストップ！」（Sutoppu）