隔幔

標籤：


【隔幔】

前一站雄雄想著，家己是20世紀出世的人，身軀邊已經有袂少21世紀出世的新世代嘛咧做工課矣，不知不覺家己嘛成為「頂一个世紀」的人矣～ 無論是網路文字抑是實際交流，有時陣攏會小可感覺著有「隔閡」。
「隔閡」的台語按怎講？
凡勢會使用「隔幔」（keh-mua）來形容，雙方敢若隔一層幔，已經無法度真正瞭解對方話中的笑詼。
按呢「代溝」的台語會按怎講？若是較白話會講：「講話隔一層幔。」因為話講袂通的台語是「講袂伸捙」，所以「代溝」凡勢嘛會使講是「話有隔幔」。
話講轉來，明年頓票，敢是有21世紀一月份出生的首投族矣？

＝＝＝＝

前陣子突然意識到，自己是20世紀出生的人，身邊已經有不少21世紀出生的新世代也在工作了，不知不覺自己已成為「上一個世紀」的人了啊～ 不論是網路文字或是實際交談，有時候都稍微感覺到有「隔閡」。
「隔閡」的台語怎麼講？
或許可以用「隔幔」來形容，雙方彷彿隔著一層布幔，已經無法真的瞭解對方話中的笑梗。
那麼「代溝」的台語會怎麼說呢？若是白話一點說：「講話隔一層幔。」因為話說不通的台語是「講袂伸捙」，所以代溝或許也可以說是「話有隔幔」。
話說回來，明年投票，是不是有21世紀一月份出生的首投族呢？

發音：https://soundcloud.com/user-566276953/keh-mua

註：
幔（mua）：如披風般寬大的衣服。
袂伸捙（bē-tshun-tshia）：通常指經過言詞勸說之後，仍無法改變對方的態度或想法。

  • Digg
  • Del.icio.us
  • StumbleUpon
  • Reddit
  • RSS
Read User's Comments0

慼𤺪

標籤：


【慼𤺪】

「厭世」的台語按怎講？阮感覺會使說「慼𤺪」（tsheh-siān），嘛是對世界感覺「慼心」，對身邊一切閣感覺足「𤺪」，毋但「慼」又閣「𤺪」，所以講是「慼𤺪」。
「慼」這个字佇台語本來就有怨恨、討厭的意思，「𤺪」有忝頭、厭厭的感覺，這兩个台語詞本來就足歹翻譯做華語，但是兩个結做伙，敢若閣和「厭世」的感覺有通。
對阮來講，2019年的代表詞，會使講就是「慼𤺪」，雖然發生足濟事情，但是嘛是愛對未來有信心，希望明年會使「鼠來平安」（tshú lâi pîng-an），厝內平安（tshù-lāi pîng-an），台灣和香港每一个人攏平安。
＝＝＝＝

「厭世」的台語怎麼講？我們覺得可以說「慼𤺪」（tsheh-siān），就是對世界感到「慼心」，對周遭人事物又感到很「𤺪」，又「慼」又「𤺪」，所以說是「慼𤺪」。
「慼」這個字在台語本來就有怨恨、討厭的意思，「𤺪」則是身心疲憊、厭煩的感覺，這兩個台語詞本來就很難翻譯成華語，不過兩個結合在一起，好像又能詮釋「厭世」的感覺狀態。
對我們而言，2019年的代表詞彙，莫過於就是「慼𤺪」了，雖然發生了很多事情，不過還是要對未來還是要抱持著信心，希望明年能「鼠來平安」（tshú lâi pîng-an），厝內平安（tshù-lāi pîng-an），台灣和香港每一個人皆平安。

發音參考：https://soundcloud.com/user-566276953/tsheh-sian

  • Digg
  • Del.icio.us
  • StumbleUpon
  • Reddit
  • RSS
Read User's Comments0

碗面人

標籤：


【碗面人】

形容人「有頭有面」，除了照讀「有頭有面」以外，台語嘛會用「碗面人」形容。
「碗面人」嘛代表逐家都愛靠伊食飯，親像家己飼了真濟人，有影是「有頭有面」的人物。這嘛予阮想著，台灣有一種傳統咧貯肉燥飯這款點心的，號做「生理碗」，碗箍較闊，貯予人客時，內底的料看起來較好看豐沛，就親像人講「闊喙食四方」的意思。
有「碗面人」毋知敢有「碗公人」？只是「碗公人」感覺就像反過來，是討一口飯食的人矣。


＝＝＝＝

形容人「有頭有臉」，除了照讀「有頭有臉」之外，台語也會用「碗面人」形容。
「碗面人」也代表大家都得靠他吃飯，象徵自己養了很多人，還真的是「有頭有臉」的人物。這也讓我們想到，台灣有一種傳統在裝肉燥飯這類小吃的，叫做「生意碗」，口徑比較廣，盛給客人的時候，裡面的食物看起來比較好看豐盛貌，這就好比人家說的「闊嘴吃四方」的意思。
有「碗面人」不曉得有沒有「碗公人」？只是說「碗公人」感覺就像是反過來，是討一口飯吃的人了。

  • Digg
  • Del.icio.us
  • StumbleUpon
  • Reddit
  • RSS
Read User's Comments0

風頭狗

標籤：


【風頭狗】

台語欲按怎形容「躍躍欲試」、「搶風頭」的感覺？
凡勢會使用「風頭狗」來形容，台語的「風頭狗」，有看著黑影就衝的意思，譬如講：「較冷靜咧，莫親像風頭狗仝款𧿳𧿳跳。」、「伊這个人親像風頭狗，啥物攏愛搶代先。」
這真正非常鬥搭，因為厝內的狗仔家人溜逗桑，若厝內有人轉來，聽著門聲，伊一定愛衝頭先去迎接，甚至敢若有感應，會使先知影有家人欲轉來矣，見試見靈。
有人講，狗仔鼻靈，敢講是先鼻著隨風飛來的家人氣味？凡勢風頭狗就是按呢來的？

＝＝＝＝

台語要怎麼形容「躍躍欲試」、「搶風頭」的感覺呢？
或許可以用「風頭狗」來形容，台語的「風頭狗」，有看到黑影就衝的意思，譬如說：「冷靜一點，不要像風頭狗一樣撲撲跳。」、「他這個人就像風頭狗，什麼都要搶第一。」
這個真的非常貼切，因為家裡的狗狗家人溜逗桑，如果家中有人回來，聽到門聲，他一定要衝第一個去迎接，甚至好像有感應，可以預先知道有家人即將要回來了，百發百中。
有此一說，狗狗的嗅覺非常靈敏，難道是預先聞到隨著風飄來的家人氣味？搞不好風頭狗就是這樣來的喔？

註：
𧿳𧿳跳（phut-phut-thiàu）：生氣或開心時直跳腳。
鬥搭（tàu-tah）：相稱、貼切。

  • Digg
  • Del.icio.us
  • StumbleUpon
  • Reddit
  • RSS
Read User's Comments0
訂閱： 文章 (Atom)