勻勻仔佇你身邊

寬寬仔將你看入心

聊聊仔聽你講愛我

沓沓仔等日頭落山

慢慢仔交你變老

 

西洋情人節欲到矣，愛一个人个時間會有偌長？當然是一世人，而且是時時刻刻。台語有關「慢慢」个講法，有真濟種，勻勻仔、寬寬仔、聊聊仔、沓沓仔、慢慢仔，全部做伙講，就真有時間推進个感覺，嘛有時間堅凍个感覺。

 

講講：https://soundcloud.com/user-566276953/1996v46k8sqv

● 閣較濟台語詞，請看《鯤島計畫》、《台語原來是這樣》、《台語原來是這樣2》

逐家好！新年快樂！

「打pass」的台語欲按怎講？其實會使講是「駛引」喔！

「駛引」（sái-ín）是做暗示、暗號的意思，是對日語サイン來的。陳一郎〈可憐的酒家男〉內底就有唱著：「欲跳舞，我駛引。欲乾杯，愛紹興。」就是做暗示引𤆬（ín-tshuā）對方來跳舞。

另日若欲講「打pass」，就會使講「我駛引你」、「看我的駛引」喔！

 

＝＝＝＝

 

「打pass」的台語怎麼說呢？其實可以說是「駛引」喔！

「駛引」（sái-ín）是做暗示、暗號的意思，源於日語サイン。陳一郎〈可憐的酒家男〉就有唱到：「欲跳舞，我駛引。欲乾杯，愛紹興。」就是做暗示引領對方一起跳舞。

改天若要說「打pass」，就可以說「我駛引你」、「看我的駛引」囉！

 

參考發音：https://soundcloud.com/user-566276953/dzcs9agnahku

註：

引𤆬（ín-tshuā）：指引、帶領。

這是《鯤島計畫》內底其中一篇故事〈透明電梯〉角色阿其，伊細漢時，阿母唱的歌詩：「我的囡仔，我的囡仔，耍到天攏已經烏嘛嘛才轉來，較緊入來，較緊入來。等咧烏淡淡的山頭，有烏攄攄的魔神仔欲出來掠耍到烏趖趖的囡仔，較緊入來，較緊入來...」

 

烏嘛嘛、烏淡淡、烏攄攄、烏趖趖，這首阮家己編的歌謠，已經想足久、足想欲畫出來矣，佇準備欲過年時，分享予逐家～ 期待烏暗會趕緊過去。

 

● 閣較濟台語詞，請看《鯤島計畫》、《台語原來是這樣》、《台語原來是這樣2》

虎氣滿堂，希望新个一冬，所有个代誌攏會愈來愈順、愈來愈平安，祝逐家福氣充滿～

佇台灣，路面時不時就會看著「交通錐」，一般人會講「三角錐」，台語欲按怎講呢？

 

台語的講法，除了直接講「交通錐」（kau-thong-tsui），另外閣有「塑膠筍」的講法，若阮兜是講「三角khòng」，khòng本身就是對日語「三角コーン」來的，嘛會使想做是三角形的物件將所在「框」（khong）起來。

 

其他講法，紅龜、交通角（kau-thong-kak）攏有人講，以上分享予逐家～

＝＝＝＝

 

在台灣，路上常會看到「交通錐」，一般人會說「三角錐」，台語要怎麼說呢？

台語的說法，除了直接說「交通錐」（kau-thong-tsui），另外還有「塑膠筍」的說法，我們家是說「三角khòng」，khòng本身就是從日語「三角コーン」來的，也可以想成是三角形的東西將地方「框」（khong）起來。

其他說法，紅龜、交通角（kau-thong-kak）都有人說，以上分享給大家～

參考發音：https://soundcloud.com/user-566276953/khong