市草


【市草】

「市草」是形容做生理買賣个情形狀況,有時陣咱會使講:「這个所在市草誠好,做生理會鬥市。」就是定有人客行踏,足鬧熱按呢。
這幅圖是畫咱台南大菜市,也就是西市場,這市場佇日本時代就開始有矣。這个所在市草有影足好,內佇粉紅兔仔仝款梳妝打扮做「李石樵」作品〈市場口〉內底彼位人物,行佇這時代个「市場口」。
最近西市場內底部份咧整修,希望會使早早整修成功。

====

「市草」是形容做生意買賣的情形狀況,有時候我們會說:「這個地方市草真好,做生意可以湊市。」就是常有客人走動往來,很熱鬧。
這幅圖是畫台南西市場,這市場從日本時代就開始了。這個地方的市草真的很好,裡面粉紅兔仔一樣打扮成「李石樵」作品〈市場口〉內的那位人物,走在這個時代的「市場口」。
最近西市場內在做部份整修,希望可以早日整修成功。

註:
市草(tshī-tsháu):市場買賣的情況。

  • Digg
  • Del.icio.us
  • StumbleUpon
  • Reddit
  • RSS

日頭會咬人


【日頭會咬人】

新个一禮拜開始矣,外口仝款有夠熱,日頭實在足炎足猛(mé),莫怪序大定定講,這款日頭會咬人。

逐家出門愛注意遮日、補充水份,按呢才袂熱著。

====

新的禮拜開始了,外面一樣有夠熱,太陽實在很烈很強,難怪老一輩常說,這種太陽會咬人。

大家出門要注意防曬、補充水份,這樣才不會中暑。

  • Digg
  • Del.icio.us
  • StumbleUpon
  • Reddit
  • RSS

鄉間小路.農你咧講



【鄉間小路.農你咧講】

這期《鄉間小路》个〈農你咧講〉,主題是—自然行入來!

逐家敢知影台語「偏僻」閣有另外一種講法,這期有特別介紹,另外嘛有畫出進前捌佇專頁介紹過个「貓霧仔光」。大自然有足濟咱應該愛了解个詞,雖然逐工目睭擘金看世界,但有足濟物件攏毋知若用台語欲按怎講、按怎形容,無就是足久無講,強欲袂記得矣。

行入自然,就會使自然行入來,將台語行入生活之中,逐工和厝內人同齊講幾句、學幾句,相信嘛是誠有意義个生活話題,敢毋是?

====

這期《鄉間小路》的〈農你咧講〉,主題是—自然走進來!

大家曉得台語的「偏僻」還有另一種說法嗎?這期有特別介紹唷!另外也有畫出之前曾在專頁介紹過的「曙光」。大自然有很多我們應該要了解的詞,雖然每天睜開眼睛看世界,但有許多東西都不曉得要怎樣用台語說、怎樣形容,不然就是很久沒說,都快要忘記了。

走入自然,就可以自然走入、將台語融入生活之中,每天和家人一起講個幾句、學個幾句,相信也是很有意義的生活話題,不是嗎?

◎鄉間小路.購買地點
http://countryroad.tw/store.php



  • Digg
  • Del.icio.us
  • StumbleUpon
  • Reddit
  • RSS

家己發明家己講.科技產品


【家己發明家己講.科技產品】
 
今仔欲分享,家己發明、家己講个詞,一个是「吸塵器」、一个是「掃地機器人」。
閣有印象,phang拄開始學台語時,有一擺提「吸塵器」吸塗跤,伊講:「欲將塗跤欶予清氣。」講無偌久,伊家己就感覺怪怪,因為聽過人講「欶管」、「欶空氣就飽矣」種種,所以感覺這个「欶」親像家己用喙欶塗跤个塗沙粉仔仝款。後來伊才知影直接用這字「吸」,直接提來講「吸塗跤」較規氣,所以逐擺提「吸塵器」攏會特別強調這字「吸」,嘛因為按呢,才會將「吸塵器」號做「塗吸」,因為專門用來吸塗沙粉仔,感覺講著誠順口。
所以,「掃地機器人」就直接翻做「塗吸機器人」,毋知逐家對「吸塵器」敢有家己慣勢个講法?愈濟人講這款新詞,愈趣味。

====

今天要分享,自己發明、自己講的詞,一個是「吸塵器」、一個是「掃地機器人」。
還有印象,phang剛開始學台語時,有一次拿「吸塵器」吸地板,她說:「要將地板吸乾淨。」講沒多久,她自己就覺得怪怪的,因為曾聽人說台語的「欶管」(吸管)、「欶空氣就飽矣」(吸空氣就飽了)等等,所以感覺這個「欶」就像是自己用嘴把地板的灰塵都吸掉一樣。後來她才知道直接用這個「吸」(khip)字,直接用來講「吸地板」比較乾脆,所以每次拿「吸塵器」都會特別強調這個字「吸」,也因為這樣,才會將「吸塵器」的台語說成是「塗吸」,因為是專門用來吸土、吸灰塵,感覺頗順口。
所以,「掃地機器人」的台語就直翻為「塗吸機器人」,不知道大家對「吸塵器」有沒有自己習慣的台語說法?越多人講新的詞,就越趣味。

註:
塗跤(thôo-kha):地上欶(suh):吸吸(khip):吸
*塗吸(thôo-khip):吸塵器【此為自創詞】塗沙粉仔(thôo-sua-hún-á):灰塵
布鑢仔(pòo-lù-á):拖把

  • Digg
  • Del.icio.us
  • StumbleUpon
  • Reddit
  • RSS

撚匼笑


【撚匼笑】
 
逐家敢知影啥物是「撚匼笑」?
就是臆錢是反佗一面个輸贏方式,原來台語有這款講法,第一擺聽著時,真正有「原來是按呢!」个感想。
頭拄仔才發現,原來今仔日是「1906年6月13日 臺灣彩券紀念日」,隨將這幅圖閣分享出來,圖面就有畫彼時个「抽籤器」,介紹會使去看聚珍臺灣上新个文章,這幅圖就是畫彼台機械。

====

大家知道什麼是「撚匼笑」嗎?
就是猜錢是正反哪一面的輸贏方式,原來台語有這種說法,第一次聽到時,還真有「原來是這樣!」的感想。
剛剛才發現,原來今天是「1906年6月13日 臺灣彩券紀念日」,馬上將這幅圖再分享出來,圖上就有畫當時的「抽籤器」,相關介紹可以去看聚珍臺灣最新的文章,這幅圖就是畫當時的那台機器。

註:
撚匼笑(lián-khap-tshiò):轉動銅板以停止時的正反面定輸贏的一種賭博方法。
1906年6月13日 臺灣彩券紀念日(by 聚珍臺灣):https://www.facebook.com/gjtwn/photos/a.237423139760845.1073741828.193577570812069/806300482873105/?type=3&theater

  • Digg
  • Del.icio.us
  • StumbleUpon
  • Reddit
  • RSS