【人山人海、人潮擠得水瀉不通的台語 — 洘秫秫】
台南這个拜六禮拜足鬧熱，除了有萬神節、嘛有佇美術館个森山市集，閣有其他大大細細活動，市區講是「人山人海」真正有影。
「人山人海」、「人潮擠得水瀉不通」，台語會用「洘秫秫 khó-tsu̍t-tsu̍t」來形容。
譬如講：「頭前有辦活動，規條路洘秫秫。」洘，譬如講糜煮了傷洘、洘頭糜；秫，譬如講著秫米糊，以上原底攏是形容黏黐黐、𣻸𣻸个情形，後來才用來形容人濟甲無好行个情形。
其他講法閣有「挨挨陣陣 e-e-tīn-tīn」、「挨挨𤲍𤲍 e-e-kheh-kheh」、「相挨相𤲍 sio-e-sio-kheh」，分享予逐家～
台南這週末很熱鬧，除了有萬神節、也有在美術館的森山市集，還有其他大大小小活動，市區真的是人山人海。
「人山人海」、「人潮擠得水瀉不通」，台語會用「洘秫秫 khó-tsu̍t-tsu̍t」來形容。
譬如講：「頭前有辦活動，規條路洘秫秫。」洘，譬如講稀飯煮了太「洘」、「洘頭糜」；秫，譬如說到秫米糊，以上原本都是形容很黏、黏滑的情形，後來才用來形容人多到不好走的情形。
其他講法還有「挨挨陣陣 e-e-tīn-tīn」、「挨挨𤲍𤲍 e-e-kheh-kheh」、「相挨相𤲍 sio-e-sio-kheh」，分享給各位～
