【該怎麼打你？】
　
進前毋知聽siáng講，人个心中加減攏會有一種惡，譬喻生活中，加減攏會有淡薄暴力想法，只是程度差別。
《鯤島計畫》裡底其中有一篇〈該怎麼打你？〉，收足濟起跤動手無仝動作个台語講法，每一種動作嘛畫出圖示，阮家己嘛足佮意。
最近內心嘛有暴力个人，趕緊去看彼篇故事--ooh～

【鵝管仔】 

有一日，phang phang足歡喜問我：「你敢知影『膠囊』的台語？我今仔有新學著。」我講：「足簡單阿... 鵝管仔。」伊講：「你早就知矣喔？字欲按怎寫？」我就講是「鵝管仔」三字。
phang phang嘛感覺真有道理，以前伊捌看過鵝的毛，毛管內底若空心的，其他講法有：鵝管、鵝毛管、雞毛管、毛管仔。
鴕鳥的毛其實嘛仝款，按呢敢會使叫做鴕管仔？按呢這馬時行的「膠囊旅館」應該就是「鵝管仔旅社」～

【濁水溪公社—裝潢（tsong-hông）】 

一直攏是濁水溪的歌迷，自國校開始，按呢聽... 一直到今仔日。
今年有足濟「結束」，無論是日本的平成到令和，抑是Marvel宇宙十冬，佇咱心內上重要的閣有濁水溪對1989年到今仔日，最後一張專輯《裝潢》。
希望台灣明年會使成為愈來愈幸福、人民對土地愈來愈有認同的國家。毋閣若是想著，以後逐冬無法度閣期待濁水溪新的專輯發表，嘛是會感覺小可稀微悲傷。
幾冬前，咱第一本冊《台語原來是這樣》有法度予濁水溪的柯董幫咱寫推薦，到這馬閣感覺足不可思議，按呢創作對家己來講嘛已經有值矣～

＝＝＝＝

一直都是濁水溪的歌迷，自國小開始，這樣聽... 一直到今天。
今年有很多「結束」，無論是日本的平成到令和，還是Marvel宇宙十年，在我們心裡最重要的還有濁水溪從1989年到今天，最後一張專輯《裝潢》。
希望台灣明年可以成為愈來愈幸福、人民對土地愈來愈有認同的國家。不過若是想到，以後每年無辦法度再期待濁水溪新的專輯發表，還是會感覺有點落寞悲傷。
幾年前，我們第一本書《台語原來是這樣》有辦法讓濁水溪的柯董幫寫推薦序，到現在還是感覺到很不可思議，感到這樣子對自己來說也已經值得了～