衫佮褲

【衫佮褲】

衫佮褲，毋是三角褲...（寒）

前幾日和序大開講，講著伊以前學生時代戴「扒檸檬」，戴無好勢，予人笑講戴甲親像「牛屎帽仔」仝款，感覺真有畫面，順紲將其它感覺袂䆀个詞畫起來。

其中「拍鐵仔褲」聽起來若親像party仔褲，「空菝仔褲」親像菝仔外表仝款，愈下底愈闊。「野球帽仔」，這馬攏講「棒球」，以前攏慣勢講「野球」，「野球帽仔」敢若較飄撇。「烏仁目鏡」逐家攏知，烏貓姊仔合「烏仁目鏡」，有四配。

這擺特別畫溜董穿「抾襇裙」，原本想講欲予伊穿「船仔領」，但感覺伊較合穿「膨紗」，敢有誠古錐？

＝＝＝＝

衣服和褲子，不是三角褲...（冷）

前幾天和長輩聊天，說到她以前學生時代戴「貝蕾帽」，沒有戴好，被人笑說像是戴的跟牛糞差不多，感覺真有畫面，順便將其它感覺不錯的詞畫起來。

其中「打鐵褲」聽起來好像party褲，「空芭樂褲」就像芭樂的外表一樣，越下面越寬。「野球帽」，現在都說「棒球」，以前都習慣說「野球」，「野球帽」好像比較瀟灑。「墨鏡」大家都曉得，黑貓姐合「墨鏡」，有速配。

這次特別畫溜董穿「百折裙」，原本想說要讓他穿「一字領」，但感覺他比較適合穿「毛衣」，有沒有很可愛？

註：
衫佮褲（sann kap khòo）：衣服和褲子。
三角褲（sann-kak-khòo）：三角褲。
扒檸檬（pê lê-bóng）：貝蕾帽，源自日語。
拍鐵仔褲（phah-thih-á-khòo）：牛仔褲。
空菝仔褲（khòng-pua̍t-á-khòo）：喇叭褲。
野球帽仔（iá-kiû-bō-á）：棒球帽。
烏仁目鏡（oo-jîn-ba̍k-kiànn）：墨鏡。
抾襇裙（khioh-kíng-kûn）：百折裙。
膨紗（phòng-se）：毛衣。
船仔領（tsûn-á-niá）：船領、一字領。