乙擺乙擺 it-pái it-pái

【乙擺乙擺 it-pái it-pái】

逐家敢捌聽過「乙擺乙擺」（it-pái it-pái）這種講法？
若是有以下情形，攏用會著。譬如講，欲相閃車个時陣、欲bakku入停車格个時，會問人：「按呢敢有法度過？」指揮者會講：「會使！乙擺乙擺。」意思就是講，差不多、拄拄仔好，已經盡磅矣。
另外一个情形是，若欲剪布、鉸紙時，人客會講：「無就對半，乙擺乙擺。」
這个詞，華語通常攏寫「一拜一拜」，這馬定定聽人講「油門一拜」，意思就是「油門催落去」、「油門it-pái」催予盡磅个意思。
後來聽人講起，這个詞是外來詞，是日語「いっぱい、いっぱい」，意思嘛是滇滇（ tīnn- tīnn）、差不多。但台語敢若已經有家己个用法矣，這嘛是外來詞上趣味、充滿在地特色个所在。

＝＝＝＝

大家是否聽過「乙擺乙擺」這種講法？
若是有以下情形，都用的到。譬如說，兩台車要會車時、準備要倒車入庫時，就會問人：「這樣是否有辦法過？」指揮者會說：「可以哦！乙擺乙擺。」意思就是說，差不多、剛剛好的意思，差不多極限囉。
另一種情況是，要裁布、剪紙時，客人會說：「不然就對半分，乙擺乙擺。」
這個詞，華語通常會寫成「一拜一拜」，現在常聽人說「油門一拜」，意思是「油門催到底」催到極限之意。
後來聽人說，這個詞是外來語，是日語「いっぱい、いっぱい」，意思也是滿滿的、差不多。但台語好像已經有自己的用法了，這也是外來語最趣味、充滿在地特色之處。

註：
bakku：後退。
盡磅（tsīn-pōng）：極限。
滇（tīnn）：充滿、填滿。