【畫龍點睛的台語—開光點眼】



若是講著「畫龍點睛」，台語欲按怎講呢？其實會使講是「開光點眼」哦！
「開光點眼 khai-kong-tiám-gán」，就是雕刻成功了後，目睭猶未上漆，等正式儀式才將目睭上漆，作品靈動有神。除了「開光點眼」，當然嘛會使直接用「畫龍點眼」來表示。
以上分享予逐家～



＝＝＝＝



如果說到「畫龍點睛」，台語要怎麼說呢？其實可以說是「開光點眼」哦！
「開光點眼 khai-kong-tiám-gán」，就是雕刻成功之後，眼睛尚未上漆，等正式儀式才將眼睛上漆，作品靈動傳神。除了「開光點眼」，當然也可以直接用「畫龍點眼 uē-liông-tiám-gán」來表示。
以上分享給各位～

 

 

 【宴客桌數的台語 — 桌聲】

「宴客桌數」个台語按怎講？其實嘛有專門講法，彼就是「桌聲」 。
「聲」本身表示狀態、數量，上捷聽著就是「這聲」，譬如講：「這聲害矣」，表示目前狀態。好比辦桌請人客，會講「桌聲按偌濟 」，就會用著「桌聲」毋是直翻「桌數」，以前上捷聽序大講，辦桌至少愛開幾桌，按呢「桌聲 」才會好看。連鞭就欲投票矣，開票个票數嘛會用「票聲」來表示，譬如講「這擺開票，票聲無予人失望」。
細漢時，聽著序大講「桌聲」好看、「票聲」好看，攏感覺足趣味，因為明明是「聲」，煞是用「好看」來形容，顛倒毋是講按呢才會「好聽」呢！

＝＝＝＝

「宴客桌數」的台語怎樣講？其實有個專門說法，那就是「桌聲」 。
「聲」本身表示狀態、次數，最常聽到的就是「這聲」，譬如說：「這聲害矣」，表示當下狀態。好比辦桌請客人，會說「桌聲按偌濟 」，就會用到「桌聲」而非直翻「桌數」，以前最常聽長輩說，辦桌至少要開幾桌，這樣「桌聲 」才會好看。馬上就要投票了，開票的票數也會用「票聲」來表示，好比說「這擺開票，票聲無予人失望」。
小時候，聽長輩說「桌聲」好看、「票聲」好看，都覺得好有趣，因為明明是「聲」，卻是用「好看」來形容，反倒不是說這樣才會「好聽」呢！