頭目鳥


【頭目鳥】 

「地頭蛇」台語按怎講?台語會講「頭目鳥」,形容領導者、足熟似在地的人。
一直咧思考,為啥物會用「頭目鳥」來形容,結果前一站tshuā溜逗去公園散步,行一段時間,準備欲佇樹仔邊歇睏,結果有一隻烏鳥仔毋知對佗出現,閣是用「行」路的方式、沓沓仔「行」過來,翅仔直直幌,看起來誠歹~ 閣一直叫,氣勢十足、殺氣充天。看這範勢,抑是緊來走好矣。
後來查資料,這種鳥仔敢若就是「八哥」,台語講「鵁鴒」(ka-līng),一般寫「加凌」。只是喙是黃色的,有可能是外來種,拄好溜逗是「巴哥」,「巴哥」予「八哥」趕走,這隻有影大尾,正港是「頭目鳥」。

====

「地頭蛇」台語怎麼說?台語會說「頭目鳥」,形容領導者、對地方很熟悉的人。
一直在思考,為什麼會用「頭目鳥」來形容,結果前陣子帶溜逗去公園散步,走一段時間,準備要在樹下休息,結果有一隻黑鳥不知道從哪出現,還是用走路的、大搖大擺走過來,翅膀一直揮動,看起來很兇~ 還一直叫,氣勢十足、殺氣沖天。看這情形,還是先閃好了。
後來查資料,這種鳥好像就是「八哥」,台語說「鵁鴒」(ka-līng),一般寫「加凌」。只是嘴是黃色的,有可能是外來種,正好溜逗是「巴哥」,「巴哥」被「八哥」趕走,這隻真的很大尾,的確是「頭目鳥」。

△ Phang Phang 發音:https://d.pr/free/a/M5JtCx

  • Digg
  • Del.icio.us
  • StumbleUpon
  • Reddit
  • RSS

青面虎


【青面虎】

人講「7pupu」,其實就是「氣怫怫」(khì-phut-phut),嘛會使用「青面虎」來形容,意思是不時就氣怫怫的人。
有一種解說是,若虎仔閣加上青面獠牙,表示這隻虎實在是非常恐怖、非常歹。第二種是,一般虎仔看起來若大隻貓仔爾,若予伊面充會變甲青面,表示欲起歹矣,按呢就知影有偌受氣。
第一擺聽著這詞,是聽阿公講起伊細漢時頭擺出去食頭路,「前輩若『青面虎』仝款,但後來久了後,才發現只是較袂笑面爾...」啊~原來一切攏是誤解。
所以我家己第三種看法是,青面虎只是面具,面具挈起來實際鬥陣才準算啦~

====

現在說的「7pupu」,其實就是「氣怫怫」(khì-phut-phut),也可以用「青面虎」來形容,意指容易生氣的人。
有一種解釋是,如果老虎再加上青面獠牙,表示這老虎實在是非常恐怖、非常兇。第二種是,一般老虎看起來好像大貓而已,如果讓他臉色變臉變青,表示很生氣了,這樣就知道有多氣。
第一次聽到這詞,是聽阿公說起他小時候第一次出去工作,「前輩好像『青面虎』,但後來久了,才發現只是比較面無表情而已... 」啊~原來一切攏是誤會。
所以我自己第三種看法是,青面虎只是面具,面具拿起來實際相處才準喔~

  • Digg
  • Del.icio.us
  • StumbleUpon
  • Reddit
  • RSS

著笑脾


【著笑脾】

「被點到笑穴」的台語按怎講?
有一擺,和人開講,毋知是按怎,雄雄想著好笑的代誌,煞強欲笑出來,我就一直忍、一直忍,忍予莫笑... 閣用指甲捻家己的大腿,時間過了足慢、足艱苦,原本已經欲禁起來矣,結果對方可能有發覺嘛感覺愛笑...伊顛倒微微仔笑一咧... 這一笑,我煞忍未牢矣,結果一笑出來就袂收煞,我就按呢大笑笑差不多一分鐘(可能閣較久,笑甲腹肚疼)
後來,我才知影,原來這款情形,笑甲腹肚疼,叫做「著笑脾」。
逐家應該攏聽過喊賣:「茄苳蒜頭雞,食了會開脾...」這「開脾」就是「開胃」,這所在就是人腹內一部份,按呢有影是「著笑脾」,笑甲腹內強欲拍結...

====


「被點到笑穴」的台語怎麼說?
有一次,和人聊天,不曉得是怎樣,突然想到好笑的事情,差一點要笑出來,我就一直忍、一直忍,忍住不要笑出來... 還用指甲捏自己的大腿,時間變得好慢、好辛苦,原本已經要忍住了,結果對方可能有發覺也感覺到好笑...他反而微微一笑... 這一笑,我就忍不住了,結果一笑出來就不可收拾,我就這樣大笑笑差不多一分鐘(可能更久,笑到肚子痛)
後來,我才知道,原來這種情形,笑到肚子痛,叫做「著笑脾」。
大家應該都有聽過叫賣:「茄苳蒜頭雞,吃了會開脾...」這「開脾」就是「開胃」,這就是人體內臟一部份,這樣還真的是「著笑脾」,笑到內臟差點打結...

△ Phang Phang 發音:https://d.pr/free/a/msK7pn

  • Digg
  • Del.icio.us
  • StumbleUpon
  • Reddit
  • RSS

鬼硩身


【鬼硩身】

毋知逐家敢有「鬼硩身」个經驗?
除了講「鬼硩身」,嘛會講「七跤蟧蜈翕著八卦」,「八卦」就是咱个胸坎,嘛叫「頂腹蓋」,音和「頂八卦」欲仝。以前囡仔若「臭喙角」,序大就會講是「七跤蟧蜈偷放尿」放佇喙角邊,所以嘛講「臭喙邊」。這款七跤蟧蜈个第七跤,通常會生佇尻川位置,嘛有人講這款七跤蟧蜈是「魔神仔」个化身之一。
國中有一站,可能功課壓力大(抑是較衰?),定定有「鬼硩身」个狀況,會使講是逐暝。後來聽講佇床頭囥一杯白茶就會使解決,照做了後,閣真正有效,嘛毋知為啥~親身經驗是非常真實恐怖,但若講予人聽,通常攏會感覺「喔...你想傷濟...壓力傷大」,就像小說《鯤島計畫》,其中一篇故事〈山魈〉,內底元義佇露營時和朋友盲腸、小博士半暝交換鬼仔古,講出了家己真實个經驗「鬼硩身」,聽者會感覺無啥恐怖。
後來我感覺,「鬼硩身」應該是世界上上短又閣VR个鬼仔古,只有浸佇內底才會感到恐怖,就連家己,一但離開彼情境,講出來嘛親像是咧講別人个故事仝款。


====

不知道大家有沒有被「鬼壓床」的經驗?
「鬼壓床」的另一種說法是「七腳喇牙悶住八卦」,「八卦」就是胸口,也說「頂腹蓋」,音和「頂八卦」很像。至於「七腳喇牙」,以前小孩如果「臭嘴角」,長輩就會說是「七腳喇牙偷尿尿」尿在嘴邊,所以也說「臭嘴邊」。而這種七腳喇牙的第七隻腳,通常會長在屁股的位置,也有人說這種七腳喇牙是「魔神仔」的化身之一。
國中有一陣子,可能課業壓力較大(還是比較衰?),總之很常被鬼壓床,幾乎每天。後來聽說在床頭櫃放一杯水可以解決,照做之後,果然非常有效,不知為何~
親身經驗是非常真實可怕,但是把這個經驗轉述給旁人時,多半會覺得「喔...你想太多...壓力太大」,就像小說《鯤島計畫》,其中一篇故事〈山魈〉,裡面元義在露營時跟他友人盲腸、小博士半夜交換鬼故事時,說出了自己真實的鬼故事經歷「鬼壓床」,聽者會覺得如此地平淡。
後來我覺得,「鬼壓床」應該是世界上最短又最「虛擬實境」的鬼故事,只有身陷其中的人才會感到可怕,就連自己,一但離開那個情境之後,說出來也像是在說別人的故事一樣



△ Phang Phang 發音:https://d.pr/free/a/FGuJ0n
▼ 《鯤島計畫》—山魈

註:
鬼硩身(kuí-teh-sin):鬼壓床
蟧蜈(lâ-giâ):長腳蜘蛛
臭喙角(tshàu-tshuì-kak):嘴角發炎
鬼仔古(kuí-á-kóo):鬼故事

 

  • Digg
  • Del.icio.us
  • StumbleUpon
  • Reddit
  • RSS

漲水

【漲水】

「淹水」台語除了講 im-tsuí 以外,嘛會使講「做大水」、「做水災」、「淹大水」,閣有一種是阮兜攏講「漲水」。
以前想講「漲水」是「中水」,袂輸「中獎」按呢,後來才知影是「水漲起來矣」个意思。
像這款雨敢若落攏落袂停,華語講「陰雨綿綿」,台語就會講是「𤺪雨」(siān-hōo),感覺嘛誠有道理,因為落雨落甲真正會足𤺪,希望會使趕緊開日~

====

「淹水」台語除了說 im-tsuí 之外,也可以說「做大水」、「做水災」、「淹大水」,還有一種是我們家都說「漲水」。
以前想說「漲水」是「中水」,好像「中獎」這樣,後來才知道是「水漲起來矣」的意思。
像這種雨好像下都下不停,華語講「陰雨綿綿」,台語就會說是「𤺪雨」(siān-hōo),感覺也很有道理,因為雨下到真的會很厭煩,希望可以快點雨過天晴~

△ Phang Phang 發音:https://picosong.com/wB3zL/
▼ 更多天氣詞彙請看《鯤島計畫》—宮古座殺手
註:
𤺪(siān):厭倦、厭煩。

  • Digg
  • Del.icio.us
  • StumbleUpon
  • Reddit
  • RSS